[愛住家菜] 暖暖煲仔飯 x 大成功之椰皇鮮奶燉蛋

這星期又凍了, 一凍就想整煲仔飯,
開始掌握到個秘訣, 一份米, 最多落 1.2 份水好了, 慢火煲到水收至飯面,
落滑雞同鮑魚, 再用小火煲 13 分鐘, 最後改大火, 煲多佢 3 分鐘,
登鄧, 有飯焦的香噴噴煲仔飯出爐了!
睇電視教要喺煲邊落豉油 (波比先生最叻的工作), 最後真係有飯焦呀, 好正呀!
不過呢D 燶嘢我只可以淺嚐啦~



上星期買了個椰皇, 屋企太多嘢食, 到今晚先輪到整佢!
(係呀, 我而家日日都好多為食任務, 一定要食蛋呀, 飲奶呀, 食生果呀, 紫菜呀...... 食完都冇乜空間再食其他嘢了....)

記得上年整過一次, 劈椰皇唔識劈....... 最後失敗了
今次睇了 youtube 的開椰皇教學, 真係唔難喎!!

將椰皇水倒出, 加牛奶至到 total 300ml, 加 3-4 茶匙糖,
加三隻蛋入去, 拌勻, 過篩倒返入去椰殼內, 蓋上錫紙細火蒸 20 分鐘就得 (蒸幾耐我諗好睇個椰皇有幾大, 入面有幾多奶啦)

成功了, 真係好鬼開心呀!!!



呢個比例的燉蛋, 真係冇得彈, 滑到震!!! 仲好香椰皇的味道~
十幾蚊的美味, 就是很幸福啊!