吃聖誕樹的生日

哈, 又老一歲了~
踏入三字頭後, 時間更覺過得很快, 心想好快又可能已經是四字頭了..........

今日放大假, 早上做家務, 抹了一年才抹一次的窗,
因為恐怕到新年時我個肚已大到唔適合擒高擒低, 趁仲郁到, 係時候要抹了~

之後去了探大學的好友, 還有兩個超可愛的小朋友,
講開生 B 湊 B, 實在是一門很高深的學問........ 願我有足夠的智慧去應付~

很多謝好友, 買了近來我都好想食的紫薯蛋糕俾我,
入面是朱古力蛋糕, 底層仲係朱古力脆脆, 又靚又好食, 好感動!



晚飯嘛, 自己生日還是喜歡躲在家靜靜的過,
煮了蕃茄帶子意大利飯



還有烤羊架, 羊架是在 Taste 買的, 質素也很不錯~



今年波比買俾老婆的生日蛋糕, 是東海堂的栗子蛋糕 ,
入面是清蛋糕, 中間也夾了不少果仁, 栗子 cream 不會太甜, 也很令人喜歡啊!
多謝老公!