[愛美食] 超水準中菜- 雲來軒

今晚係一年一度老細請食飯, 去了雲來軒, 之前聽都未聽過, 食後發現是一間五星水準的中菜!
睇D 餸個名, 已經好想食!!! (唔似得一般酒樓, 食嚟食去都係嗰幾樣.....)



先來個拼盤, 個溏心蛋好似落咗少少蜜糖, 甜甜的很好吃
蒜泥白肉的蒜泥辣得惹味, 肉又唔肥
個炸豆腐真係激讚, 外脆內滑到冇朋友, 似百福豆腐那種, 吃完絕對想再吃!



北海道帶子, 超厚又鮮, 用上靚露筍, 有黑松露香, 很清新



呢個蒸蛋勁呀, 係先用新鮮魚淆個魚湯, 再用魚涉加蛋整的, 滑到又係冇朋友!



士多啤梨骨, 酸甜度做得剛剛好, 仲有脆口的窩巴, 啱晒我呀!



呢個棒棒骨大家都讚超好食, 我冇食呀, 將我嗰份留咗俾波比先生, 因為我已開始飽了!
但用個麵包點咖哩汁食, 都好好食!



花膠菜苗, 勁多花膠! 個炸雞就好滑, D 皮薄又脆呀!!!

最後這碗是有名的三十年陳皮紅豆沙, 一開個窩已是超香的陳皮味!
成碗嘢冇一粒豆, 因為應該係煮完再打成糊狀, 飽都食晒嘢!

呢間嘢原來拎過好多獎, 又有好多名人幫襯o架, 真係意想不吃超水準的一餐啊!!!