[愛行山] 終於行了元荃古道 Yuen Tsuen Ancient Trail

第二天的假期, 找些活動預祝我們的結婚週年,
先是兩個人撐枱腳去了彩晶軒飲茶, 唔洗等好耐位, 坐得舒服, 食物又好好食!
那個腸粉包住炸蘿蔔絲酥餅真係好正架! 可惜椰王鮮奶縮咗水~



之後去咗行山! 話說兩年前我們都未識行山, 有一次膽粗粗想行元荃古道, 點知盪失路收場
今次再戰元荃古道, 而家有了科技的幫助, 4G network, 先進的 google map, 加埋郊野樂行個 app, 包冇甩拖!!!



第二次行, 都係見唔到清楚的景色, 一定要搵多次藍天白雲再來行!



今日帶咗阿 May 上山, 佢有份同青馬橋, 仲有荃灣全景影相~




繼續行, 好多人啊!
同兩年前不同, 路鋪得好靚, 好行好多!!
實在很感激那些鋪路的工人, 要把一塊又一塊的石頭運上來這山上去鋪路, 實在不是易事!!




跟著 GPS, 發現原來有D 鬼鼠的分岔路位, 唔怪之得之前行錯了!!!
見到竹林, 就到元朗喇!



去到大棠, 見到新長出來的紅葉



春天的花兒



嘩, 呢一排杜鵑花好靚呀!!! 遠睇的話, 好似櫻花咁啊!!




最後, 四個鐘內行完呢 15km, 好開心啊, 完成了荃灣行返元朗這一個壯舉~
去大快活食個 tea, 更加滿足! :)