[愛美食] 再訪華星冰室 (Capital Cafe) x 甜牙牙

放假後的工作天, 天天都是在還債般清理工作
見返一個小朋友 case, 兩年前還是手抱時我就睇佢, 超鍾意佢, 但一啲病令我呢兩年都冇見過佢,
而家又睇返, 已兩歲人仔, 仍住醫院, 牙牙學語超可愛,
但見到我呢個陌生人來都知唔慌好嘢, 一坐低喺佢前面, 第一個同我講的字就係:「走」....
多麼的心傷.........

關係就是要建立的, 要慢慢從頭和他混熟, 讓他放下戒心
同小朋友相處, 永遠是很大的學問

見到佢竟然會扭抱, 仲要係叫醫院最嚴肅的護士主管抱,
一向很有殺氣的護士主管頓時變得慈父一讓, 小朋友的威力真令人大開眼界!


忙完兩天也不想煮飯, 出旺角食飯行街
去了華星冰室, 豬扒包沙爹牛包都是熱辣辣即製的, 足料又好味,
差不多的價錢, 想起麥當奴那愈來愈細, 又乾又硬的包, 更覺得很不濟.......

奶茶也真係很滑, 是上等的港式奶茶啊!!!



去星際 shopping 完畢, 再去食甜品, 行到去土屋, 嘩, 冇人嘅????? 同之前排晒隊簡直係天壤之別!!
冇人梗係唔敢入去啦, 再前行就見到一間叫甜牙牙勁多人, 剛到有位就試吓啦,
不過食後感真係麻麻.....
1. 座位超迫, 迫到似搭港鐵
2. 等咗好耐先來的窩夫是凍的
3. 窩夫旁那自稱是 Tiramisu 的東西根本不是 Tiramisu ..... 只是有酒味又淋晒的 lady fingers...... 完全貨不對辦.....
4. 樽內的糖漿, 少得根本不夠用......



5. 朱古力咖啡特飲: 好甜, 唔夠咖啡味.......



well..... 唔會再幫襯....