[愛住家菜] 紅酒炆牛肉

這星期有一天去了 QE 上 TRAINING, 早早便回到家, 可以煮好餸,
話說波比阿妹去旅行買了支紅酒俾我哋, 但波比又唔會無啦啦喺屋企飲酒, 就俾咗我用嚟煮餸,
於是, 我就用佢嚟炆牛肉!!

用了 LC 煲, 先炒香乾蔥同蒜頭, 再落已汆水的牛肉炒香, 
然後加入紅酒同埋一粒日式牛肉汁塊,
慢火煮十分鐘後, 我再加入紅蘿蔔、磨菇、雞翼, 慢火炆了一個鐘, 
中途留意要加水, 最後打個獻令汁變杰就得喇!

第一次用紅酒煮餸, 出來的味道很獨特, 有點酸, 有點濃, 配紅肉的效果實在不錯!!
個汁用來拌意粉吃, 都好夾o架! :D