豬欄生活: [2013 沖繩夏日遊記] 美國村 x ぎょれん鮮魚卸売市場

2013年8月13日星期二

玩完 Bios Hill, 我都一路向南，駕車到美國村

本來是藍天白雲，行行吓變得頃盤大雨，係大到差不多完全睇唔到路，好恐怖
因為其實有個颱風吹緊嚟，咁多日都好天，算是非常感恩了

順利地泊了車在吉之島的停車場，落車只行了幾十米，也半身濕透
我們到美國村搵食，只得幾間食店

最後選了間吃燒餅的，因為見到好多疑似明星簽名，好似好人氣咁啊
點了一份蛋包炒麵同一份燒餅，初時以為有得自己燒，點知係整好晒
不過見到師傅純熟地炒炒炒，邊看邊吃特別美味

吃飽飽就周圍逛，行了藥房有唔少收穫
其他地方就不大興趣了，因為都是賣衫褲鞋襪的多
但看看這裡的建築是有趣的

行埋Aeon Mall, 嘩。。。賣啲嘢好舊款。。。
係喺超級市場掃咗好多貨，食材居多，因為當時八算實在覺得好抵啊

之後又開車，二十分鐘就返到那霸市了，去埋自駕的最後一站 - ぎょれん鮮魚卸売市場

呢個魚市場就在那霸市內, 不過唔揸車就有點難去,
我們去到, 幸運地唔洗扭 s 位都有空位泊, 之後就衝入去搵食

有好多好多唔識的魚賣呀, 款款都好想試~

最後買了幾盤, 再走返上車食,
呢D 生蠔大概 300yen 一隻, 嘩, 超級的甜美, 唔會過咸海水味, 由口中直滑到喉嚨, 讚!!

Toro, 有少少筋, 不過成盤咁食, 成口都魚油, 好美味啊!!!

仲有唔知咩魚, 總之就係鮮甜啦, 點解咁好食o架????
食埋呢餐, 就唔知幾時先再有咁新鮮的魚生食了......

2013年8月13日星期二