[愛美食] 名寶石 x 梁記餃子

嘩, 用提子浸酵素原來好鬼勁, 一晚已經出咗好多汁
呢幾日狂噴泡泡, 有埋木瓜嗰樽簡直係成層泡, 嚇親人!!



早幾日波比先生喺公司攞獎, 話要食餐好, 就去咗太子嘅名寶石
論食物呢度真係永冇失手, 個三文魚牛脷焗飯的牛脷超超超林又入味, 焗飯是正宗的炒飯底,
波比的紅酒燴羊膝更是超讚, 兩大隻, 啖啖肉多到食唔晒, 肉是很嫩滑的, yummy!



在花園街買了個手動風扇仔, 覺得好有趣, 環保唔洗用電, 攪一個圈已轉好耐,
炎炎夏日, 實在是恩物~



呢幾日好忙, 有新同事返工, 真係教到我 O 晒咀....
日日都遲走冇飯開...... 在元朗又搵到新嘢食~
這間梁記餃子在元朗廣場那邊, 賣的都是自己包的雲吞水餃, 水餃就有九款之多
長期都見好多人, 但搬來了咁多年, 先第一次食~
點了兩個米線, 排骨同雞翼都 ok 啦,
另點了一碟什錦炸餃, 八隻都唔同餡, 即叫即炸, 超脆, 食到唔停得口~
餡料呢, 我又唔會話係好好味, 但夠新鮮同足料啦~
有時食飯, 就是喜歡這種街坊舖街坊口味