[愛行山] 出山了!

哈哈, 終於都等到有得行山的日子, 今天是毅行者操山第二課, 上星期第一課冇去呀, 因為參加跑步班
跑步同行山, 我還是喜歡行山多一點, 因為人多多, 好熱鬧,
返工咁忙其實同事間都未必太多時間吹吹水, 行山時就可以講個夠本!

一行十八人, 從沙田圍出發, 直上獅子亭, 原來咁行路程好短, 一個鐘就到了!



不過時間太早, 士多仲未開, 只見到看門口的狗狗, 很懶洋洋
今日波比先生冇嚟, 派咗麥嘜做代表~



總覺得這種場面很震撼, 密密麻麻的都是樓.......
在新界生活多年, 很接受唔到市區那種除了樓還是樓的居住環境,
注定了我呢世都應該會係新界人~





行行行, 今日大家都行得好快, 有時落雨, 但都唔算大, 感恩~
有點風, 清清涼涼, 好舒服~
行約兩小時就到麥徑第六段, 雨後有瀑布睇~



仲有好多馬騮



不過覺得佢哋好可憐......
數目實在驚人, 就是因為之前太多人餵佢哋嘛? 他們大概太容易地生存而過度地繁殖了......
今年見到的馬騮數目, 是上年的兩三倍, 仲要有好多好多係 BB, 但佢哋都唔夠食物......
沒有果實, 再沒有人餵, 我見到佢哋無奈地食樹葉, 不停地撥泥土想找食物,
大概為了食物而不停打架, 很多都遍體鱗傷, 斷手斷腳~

見到佢哋咁慘, 好想餵佢哋, 但不可以, 因為又是一個惡性循環,
人類早早就不應該干預大自然的生態同食物鍊, 當平衡被破壞了, 這就是惡果.....



最後, 1:30pm 就行完, 唔係嘩, 咁快?!?!
哈哈哈, 我們齊齊到荃灣的金坊泰國菜食飯同吹水, 很開心的一日~