[愛美食] Happy Friday 之 CPK x Spade by Lassana

今晚是很開心的日子, 一來同好朋友食生日飯, 二來是我同波比先生拍拖的 11 週年紀念, 一於要食餐好!

好朋友選了去 CPK, 呢度都算係我哋三個人食晚飯的熱點, 哈哈, 因為如果得我同波比先生, 一定食唔晒

叫了一個四季 Pizza, 滿瀉的芝士, Salami 的鹹香, 同新鮮的磨菇的重菇味, 都令整個 pizza 十分好吃,
還有忌廉汁雞肉寬麵, 呢度的忌廉汁永遠都咁好食, 夠 creamy 奶香, 加少少香草作點綴, 食到停唔到口,
波比最鍾意叫的, 就是牛油果墨西哥卷, 卷皮是炸脆的, 牛油果肉碎內餡, 加上千島/沙律醬, 是不錯的香口小食~



不過, 其實今晚的甜品才是主菜, 目的地是新開的 Spade by Lassana, 就在家樂坊的地庫,
食完 CPK, 行唔洗一分鐘就到

入到去可能時間尚早, 未算太多人
坐低睇睇 menu, 有好多款炒雪糕同埋 Honey Toast



我們點了一個宇治金時雪糕, 綠茶味濃而不澀, 又多粒粒紅豆, 非常滿意~



叫了 honey toast, 老公話加 $30 就有兩杯飲品喎,
老公點了 Flat White 喜歡不加糖飲, 據聞咖啡豆是自家烘焙, 香醇程度令人滿意~



趁人多叫了 Spade Deluxe Toast ($108), 嘩, 實在太豐富了!
有四球的雪糕: 芝麻同朱古力的味道都十分濃郁, 士多啤梨味更有果肉粒粒在內,
店員說雪糕都是自家製的, 個人覺得, 比哈根大師好吃多倍!

Toast 入面每粒麵包都烘脆晒又充滿牛油香，從前在香港太難找到好吃的 Honey Toast,
Holly Brown 的唔錯但總差一點點, 這一點點就是內裡的麵包不是脆的,
Spade 這種製作方法, 絕對留得人心~

最令人心動的, 就是心太軟做得很好, 超濃古力味又唔會太甜, 流心效果理想, 十個讚~



新開業, 店員樂意聽顧客意見, 遲些還有冰滴咖啡賣, 一定要再來試試啊!