滿足的星期一: 粟米斑塊 x 台式肉燥

一年都唔會開幾次油鑊炸嘢, 但今日忽然間好想放肆一下,
於是整咗粟米斑塊, 還有波比先生幫手製作,
炸得脆脆的魚, 加上濃濃的粟米蛋汁, 非常下飯!


睇食尚玩家, 又攪到我的台菜癮起, 決定整台式肉燥,
點知行勻係個街市, 都冇冬菇賣?! 咩事啊?
咁唯有掉D 粟米落去啦~
今次整得波比大讚好食, 嘻嘻, 要寫低我嘅秘方先!

1. 蒜頭、乾蔥各三瓣切碎, 蝦米切碎, 落鑊炒香
2. 加入豬肉碎炒炒炒
3. 當豬肉開始熟, 加入適量的水, 一小粒冰糖, 一茶匙五香粉, 適量胡椒粉, 一湯匙老抽, 一茶匙頭抽
4. 之前都講過, 要好食的話, 還可以落一湯匙的花生醬, 會使肉燥變杰, 香香超好味!
5. 細火煮半個鐘, 或者我係煮10分鐘再放入真空煲內焗焗佢, 總之三十分鐘有得食, 味道超讚呀~~
今次煮到很理想的杰度, 又是超下飯的, 很滿足的一晚~