睇了 openrice 的食評, 好似冇乜人讚, 有D 擔心, 但食完真係人人都讚不絕口,
我想同 JW Marriott 一樣, 嚟得呢度食飯的人, 係較年長一輩, 並非 openrice fans 已矣~
是晚由波比發板, 有人食過好多次喎 (以前成日有客請食飯)
這個叉燒, 實在不得了, 我想話係我生平食過最好食的叉燒, 肉質嫩得難以置信, 外皮燒得剛剛好~
三層冰燒肉同叉燒一樣, 都係要預訂的!外皮超脆, 下層一D 都唔肥, 好難得!
燒米鴨又係我生平食過最好食的燒鴨, 它的皮又薄又脆又唔肥, 肉質又是超嫩的, 根本覺得自己不是在吃鴨肉!
叫了個豬肺湯, 好鮮甜, 豬肺好滑好好食!
蟹肉炒蛋白又是一絕, 生拆的蟹肉真係好鮮味, 配上蛋白是難以形容的夾 (我要返屋企試整!)
後面的千頁豆腐, 味道沒什麼特別, 但見到廚師的刀功, 實在讚嘆!
最後, 還有一窩龍皇海鮮泡飯, 用濃湯浸著, 加入了鍋巴脆脆的, 有帶子又有蝦, 十分的美味呀~~
這真是超水準的一餐, 是近年食過最好的一餐中菜, 值得推介呀~
沒有留言:
發佈留言