車品品 - 食好味及人情味

波比先生部 Galaxy Nexus, 用了唔夠兩個月就壞 Mon...... 真係..........
今日放工去到朗豪坊的維修中心幫佢拎返部機, 人山人海(證明了 Samsung 的質素.....)
維修人員二話不說交帶了已換過晒零件, keep 返單有壞再嚟整過, 哈......

我們從朗豪坊行去大角咀的車品品, 一試這間有二百幾個好評的本土名店~
明明前面只是有 4 個人, 卻等了半個鐘?!
原因係見到廚房入面, 得一個人做嘢 (大概是老闆的阿媽), 她那與世無爭的慢速度, 實在令人佩服....
樓面亦是得老闆娘一個人, 落單傳菜收錢都係佢 , 真係啞咗......



不過老闆娘的確好好禮貌, 大家都好禮諒佢忙到踢晒腳, 乖乖的等~
入座點菜後, 又是等上半個鐘.........
第一個菜來了, 是無鉛的溏心皮蛋, 真係好正呀, 雖然味道是比一般的淡一點~



接著的是魯肉餃, 是自家包的, 餡料甜甜很有台式味道, 撈麵加了大量蝦籽, 實在惹味~



車仔麵, 其實料都是買回來的, 抵讚的是湯底沒有重味精~



咸檸碧, 又是很真材實料, 好多粒桔仔~



不過老實有D 唔夠飽, 叫了一個魚肉翅同4隻皮蛋外賣~

等上一小時去食值唔值, 真係見人見智,
可以說的是這間是用心去做菜的小店, 每一個食客都是開開心心離開, 會同老闆娘說拜拜,
這樣已經是很成功, 在香港我實在沒有去過一家店老闆是這麼多笑容, 人客也這麼多笑容呢~