七年前

七年前的今日, 我們第一次見面, 之後, 兩個世界開始重疊了,
想起那傻更更的肥仔面孔, 點都覺得好攪笑~
嗯, 轉過眼就七年了!

為咗慶祝呢個七年紀念日, 老婆呢排又勁失眠好攰 (係呀, 早幾日失眠到朝早七點幾喺度洗廁所囉),
今晚唔煮飯, 去食我最喜愛的泰國菜,
有我最最最愛的冬蔭公, 個炒大頭蝦就好最食, 好多蝦膏添呀!!!



都話「姣婆守唔到寡」...... 幾個月冇去旅行的我, 忽然又好想離開吓香港!
不過呢排風頭火勢, 唔洗旨意請到假!
係想搵個星期六日去玩吓o者, 短短地諗緊長隆動物園好冇囉~ 得一個 weekend 真係唔去得邊~

唉, 見到D 北海道團咁鬼平, 真係好好好想去呀......