[愛跑步] 真正的長課來了!!

第二天的假期, 過得充實! 一朝早就是在焗焗焗!
好耐冇用個豬頭模去整蛋糕, 耳仔個位係最難脫模的, 其實整個面都難脫模, 攪到有D 爛面 feel......
還有朱古力合桃香蕉蛋糕



還有鬆餅



焗咁多做咩? 今日係我舊醫院好幫得手的清潔姐姐 last day 了, 幸運地我放假, 可以返去同佢食飯
一套四件送俾佢, 希望佢未來生活得開開心心~
很難得請到個咁盡心盡力做嘢的姐姐, 但醫院的外判工很被剝削, 或者出去第二度做會更開心~



下午去了探朋友, 與她的小朋友分享蛋糕, 小朋友都話好好食, 我當然好開心!

之後橫掂嚟到沙田, 就跑一次長課, 由沙田運動場經科學園去到天賦海灣, 14km 後再喺運動場衝多 1km
Yeah, 完成了 15km 的長課, 很開心!




每次要跑步, 就要執一大袋行李......
太陽帽, 毛巾, 護膝帶, 腰包, GPS 手錶, 耳筒, 水樽........
還有一大袋跑完沖涼的物品, 出外跑一次步, 似是返了一次鄉下, 好彩有車, 方便好多

但今日真的很低 B, 就是執漏了最重要的毛巾, 這種汗流似瀑布的天氣, 沒有毛巾仔可以令你踏不出腳去跑步!!!
又太幸運, 朋友剛送了一份小禮物給我, 原來就正是毛巾!!!!
天啊, 總有很多小天使在我身邊 :D

又由天光跑到天黑, 超喜歡這條路, 因為冇燈位, 唔似平時跑去洪水橋途中不斷要停燈位,
停了又起步, 很阻礙保持速度
跑到科學園的海邊, 涼涼的海風, 一邊欣賞黃昏的景色一邊跑, 很寫意~



科學園有一個位置有飲水機可斟水, 唔錯啊!
終點是天賦海灣, 望返馬鞍山一帶, 好靚~
本想跑夠 16km, 但都係唔敢一去去得咁盡, 我對膝頭哥, 有時跑完第二日會投訴,
實在不敢一下子跑得太多, 要慢慢加才好~



就嚟會打風, 可能星期四打後都跑唔到了,
好天的日子, 應該要好好珍惜啊!