[愛跑步] 跑步天氣

去旅行連埋之前的一星期偷懶，我已兩個幾星期冇練跑，
其實很想在北海道跑跑的，衫同裝備都帶晒，奈何天氣實在太凍，每晚回到酒店後，絕對唔會想再離開
每天又很早出發，最後一次也沒跑了，希望下次去有機會啦

今個月尾參加了個越野跑賽，是時候的起心肝去練練了!
但天氣酷熱 (總是很多藉口), 晚上喺屋企涼緊冷氣，實在又很難動身。。。
不過都跑咗幾次，在運動場練跑樓梯，兩個回合已筋疲力盡

有一天晨早六點喺樓下跑，見到人放貓，貓咪在沙地碌地沙，笑死我

今日一早去跑大棠，熱天下真係跑得好慢已經心跳快又喘晒氣
計埋屋企跑去公園共跑了 9km 真係要收工了



希望 keep 住有恆心努力練習啦 :D