[豬車主人] 又花了............

轉眼間已揸咗車兩個月, 呢部日產 Note 都真係幾好,
好慳油: 可能我返工行公路多, 而家平均 20km/L, 除返都係 $0.75/km, 抵呀~
好好坐: 朋友坐親都話後座好闊落, 我自己都覺得好舒服~

今日第一次揸返 Acute 醫院, 泊咗去一個都泊過一次的屋苑停車場,
唉....... 泊嗰時都好地地, 出車時就又出事喇..........
話說出去的路, 要左轉通過一個好窄的門口,
我都知好窄, 已經偷晒位, 一手軚唔得, 已經倒車再出, 點知, 都係出唔到,
一時大意, 以為忟忟地都出到, 架車嘅左邊門就卡咗落條柱度, 好大鑊, 郁唔到......
一個人, 好徬徨, 我都唔知應該將架車倒左定倒右.......
倒右唔得, 再倒左, 期間聽到車門同條柱夾住咗嘅聲, 好恐怖!!!!!

最後, 扭出咗個門口, 落車真係冇眼睇...........
度門花咗, 好傷心...... 又係我.............
我以後都唔揸返呢間醫院喇!!! 慘..............

返埋今日, 我放大假了! 我呢幾年都未試過連紅日放, 因為覺得冇需要, 呢D日子太貴唔會去旅行,
今次都係因為咁啱去睇雪祭先會咁放, 12日的假, 想起先開心返D~

收爐後, 今晚去食團年飯, 為這個龍年劃上句號了~