又忍唔到手

這星期忙到死, 因為病假王不停攞病假, 返工的人就做到死咗......

而家先得閒D 寫返篇週記~

今年打算有另一人生大計, 所以去完北海道呢, 本身都諗住疊埋心水唔會再去旅行住......
點知星期二見到香港航空有個優惠, $690 去沖繩, 平到嚇死人!!
跟據我多年領隊經常, 真係未試過咁平, 平過去台灣囉!
所以呢, 我工都未返就用 10 分鐘 book 咗 lu! 哈哈哈!
然後波比先生將此消息喺公司散播, 佢就有五個同事都 book 埋!
o拿, 我都話我唔做旅行社 agent 真係嘥咗 XD



今星期忙到晚晚好攰, 這渣馬前的一週, 只練了一次夜跑,
星期五朝早太有罪惡感, 所以返工前就去跑了半個鐘,
好了, 星期日大家也要加油呀! 我哋跑 8:30am 的半馬一組, 唔知會唔會見到朋友呢?

這幾天吃得放肆, 去韓松林點了都是碳水化合物的食物, 哈~
他們石頭飯的飯焦, 真係好好食!



星期五, 要同醫院管理層食政治飯, 嘩, 我從來唔知醫院的高級 Canteen 可以有咁好食的西餐,
之前食的都是中餐, 有點不知所謂.......



晚上, 好難得約了大學同學食飯, 好似真係好耐冇見了!
去了一間很好食的 cafe, 見到好可愛的小朋友, 開心的 share 近況, 可惜帶了相機又忘了影張合照~
希望復活節可以再聚啦!