新春練跑團最後一課

今日收到份驚喜的禮物, 就是醫院泊車證,
雖然是 non-office hour 的泊車證, 但有時星期六日返來聽書/跑跑步都好有用呀!
明明聽同事講近年冇得申請, 我都係照交表, 點知有了! 好意外!!
至於 Office Hour 的泊車證, 應該要等起碼十年先輪得到囉, 慢慢等啦~~

星期日就係醫院的新春長跑了!
今日放工後, 約埋師弟妹一齊練最後一課,
其實呢幾個星期一齊練跑都好開心, 有多D 人陪著跑, 路程總過得特別快,
今晚不知不覺, 跑了 10km~ 不過天氣實在有點熱, 不停地標汗, 希望呢兩個星期日會涼返D 啦~

跑完最緊要食, 嘻嘻, 同師妹去食咗好辣的麻辣米線, 仲有人氣甜品, 好開心呀~~