又是幫襯返黑門三平
最愛他的 Toro 壽司, 超油超正!!
其他的魚都好新鮮~
有D 係大拖羅, 不過好貴, 唔捨得買~
之後行埋市場, 再食炸嘢, 好粗的八爪魚腳呀!
跟住我哋去了一個 outlet, 雖然地點有D 遠, 但佢入面D 舖頭好啱行, 實在值得一去
我們在這 asics store 大出血, 佢D 跑褲好抵買, 仲有減價波鞋
我著緊嗰對, 上年在台灣買, 差不多是 HKD1200,
而家呢度特價, HKD400 有交易, 波比話買返去擺都抵,
不過我實在有足夠的鞋了, 所以冇買咋~
再行埋 Nike, 嘩, 抵到嘩嘩聲, D tight HKD100, T-shirt 幾十蚊港紙, 波比話買返去當底衫著都抵, 於是又買了幾件~
之後又搭車返返心齋橋, 想去食一蘭拉麵, 但太多人排隊了......
周圍行都唔知食咩好, 最後入了一間類肉吉野家的牛肉飯店
價錢算是好抵, 味道絕對唔差~
不過 order 時同店員有點雞同鴨講...... 身體語言搭救
食完再去食埋對面的本家八爪魚丸, 此行乜都食勻了! :P
行行心齋橋, 大部分商店已收工
見到一間賣芝士蛋糕的, 好似好正喎
佢主打流心芝士蛋糕, 有超級流心, 少流心, 唔流心揀,
波比怕吃時太麻煩, 選了少流心, 嘩, 好 creamy 呀!!! 真係超好食, 最衰拎唔到返香港.....
回程返酒店時, 搭地鐵見到D banner, 係大阪馬拉松的跑手賽前寫的目標時間, 原來除了自己拍照用, 會貼到全架地鐵都係, 真係好好呀,
香港應該參考吓啦!!
沒有留言:
發佈留言