[2012 京阪神] 京都動物園 x 博多一幸舍

大家睇到呢篇 blog 時, 我應該搭緊飛機去北海道了! :P
係呀, 我將最後幾篇的京阪神遊記排程了在今日開始出, 每日一篇, 等個 blog 唔洗冷清清~

離開嵐山, 我們搭巴士去動物園, 但等咗好耐都唔見架巴士......
於是唯有求其上一架, 去到京都市中心再算~
落咗車, 又睇住 google map, 自己行寺動物園, 當是散散步



見到一隻隻好可愛的鴛鴦在游水水



經過了美術館



兜了個大圈終於去到動物園喇!
呢個京都動物園唔算大, 但我哋都幾鍾意, 因為可以同D 動物好迎咁接觸,
同D 獅子老虎, 就係一塊玻璃之隔





豹, 其實即是一隻大貓貓, 也有很可愛的一面



我要洗白白



公園的右方, 是兒童動物園區, 可以行入去, 摸摸動物仔!





唔知佢企到咁高做乜......



最開心的, 是見到黑豬仔 x 2



有個管理員嬸嬸對我們說, 他們一隻叫 Agi, 一隻叫 Nagi,
仲不停叫我哋摸摸佢哋, 哈哈, 波比先生最開心啦~




玩完動物園, 我哋返京都站的商場行街, 波比又買咖啡豆........... 其實屋企已經好多喇!!!



晚餐呢, 我們去了 10/F 的拉麵小路, 日本每一個大城市, 都必定有呢D 集著名拉麵店一起的地方
我們兜了個圈, 最終決定去博多一幸舍



呢間嘢而家喺香港佐敦的拉麵競技館都有分店呀, 不過人人都話係日本本土的好食D 啦~
試過後, 個豬骨湯底濃而不膩, 正呀~



食完之後, 仲買咗盒外賣裝返香港煮~