[食記] 可愛拉花 @ KC coffee x 神戶馬拉松之訂唔到房

連續三日的假期, 太好了, 是時候執整一下旅行完的手尾~

今日同波比先生去了九展睇一個運動 expo, 不過規模實在比想像中細好多好多....
明明食完飯先去, 睇完 expo 有人又話肚餓 (波比先生究竟係咪生蟲呢? 成日都肚餓, 食我咁多嘢又愈來愈瘦 >.<)
於是去了附近一間咖啡店, 波比先生話睇過佢的報導話有好靚的拉花,
這間叫 KC Coffee , 在 Exchange Tower 地下, 落地玻璃的店子, 在陽光下飲杯咖啡食個 tea 的確係賞心樂事!
先來波比的 latte, 奶泡其實打得好稀, 但又拉到花喎! 不過咖啡味道實在有點淡
我點了 Sipping chocolate, 因為近日有點不適實在唔想飲太多咖啡,
反而意外地有超可愛 bear bear 熊拉花呀!!! 太開心了!!!



受傷一星期了, 幸得唔同同事的幫忙, 傷口也好起來喇



今晚仲一個人落咗樓下球場跑了 5km, 不過一路跑, 實在有很大陰影, 好怕又跌倒

我要勤力D 練習喇, 因為尋日剛收到通知, 11月25日的神戶 10.6km 馬拉松我們都被抽中了!!!
真係好開心呀, 是我們的第二次馬拉松旅行!! 仲可以去睇埋紅葉添!!!
但實在太恐怖了, 我上網睇睇酒店啦, 發現11月23/24日係日日都冇房!!?!?!
因為23日是日本的公眾假, 他們的 long weekend 呀, 點算呀????
搵到東急 inn 好似仲有房, 但係要等覆囉,真係啞晒呀.............