獎勵 - 蟶子皇

今日, 對腳終於都冇咁痛了, 個傷口亦都冇流咁多膿, 尋晚算是可以好好的瞓一覺

波比先生而家就好啦, 而家公司有車由數碼港直去美孚,  7pm 就返到元朗, 同我差不多時間咋~
今日個地產經紀打嚟, 話我哋之前睇的單位, 開價 5xx 萬, 都黐線的, 5xx 萬我好多選擇啦,
加上早兩日實地睇過D 配套, 勁唔掂...... 個街市烏燈黑火, 乜都冇得賣..........
早咗返屋企, 但根本買唔到餸 , 咁我點解唔住元朗呢?
搬家呢件事, 都係由佢先喇~

波比先生近來都幾乖, 好勤力幫手做家務, 所以今晚食海鮮獎勵佢
第一次整豉椒蟶子皇, 其實好食過帶子同貴妃蚌, 因為好大舊肉, D 肉又好甜呀~