台灣我們又來了!

好嘢, 星期五, 返晒工喇! 我放假喇~

前幾日搵到了我想買的 BB 吹氣椅, 送了俾病房的 BB,
佢坐落去好開心, 可以四圍望八八掛掛, 他的甜笑令到我都十分開心呢~
成班同事都圍埋嚟睇佢呢張皇位, 個個都話佢坐上去成個皇子咁款, 哈哈哈~

呢幾日台灣持續大雨, 前日波比先生忽然間好擔心, 問我張機票可唔可以改去第二度?
不如改去日本? 吓........... 咁突然?!
可惜張機票冇得改地點呀, 咁唯有改行程,
有諗過好冇中間幾日由台灣飛去日本, 但搭飛機都搭晒D 時間....所以都係算吧啦

但日日落雨, 我們很戶外的行程實在難以完成, 上山亦有一定危險,
最後很感恩多得阿里山民宿的體諒, 願意因天氣關係退返錢俾我, 於是阿里山的行程就取消了,
之前買了高鐵飛, 又都好彩可以取消到, 只係收取少少手續費

隨即將阿里山的行程改為早一日去台北, 訂了台北的酒店, 又訂了高雄到台北的高鐵車票~
一切都算順利, 但又要 plan 過晒去台北的行程, 我們去過 5 次了, 實在唔知仲有咩地方玩.....

八天之旅, 是高雄 > 墾丁 > 墾丁 > 高雄 > 高雄 > 台北 > 台北 > 台北
落雨係預咗, 希望唔好落咁大啦~
遲D 見! :P