榴槤彩繪蛋糕卷

話說一年前在台灣買了本教整彩繪卷蛋的書, 整咗一次, 大失敗,
一路都冇再整, 太麻煩了, 同埋買材料其實好唔化算,
買一盒忌廉都廿幾蚊, 我去聖安娜買條卷蛋都係十幾蚊.............

不過早兩日波比整完布丁, 仲有 cream 剩, 所以我就再試試看!

我想話其實整彩繪卷蛋真係好複雜........... 超多工夫, 整完又要洗幾廿個工具............
左邊是已焗好的蛋糕體, 右邊是我的榴槤 cream 餡 (家中有超正的榴槤啊)



跟住就係最緊張的環節: 捲喇!
哎呀, 唔知係咪落得太多 cream, d cream 又唔夠堅挺, 一路捲一路必晒出嚟......
更加驚太用力捲會爛.............



最後, 只做到扁扁的效果.........
不過味道都算滿意, 有超香甜的榴槤餡啊, 大滿足呢~
下次要再試試改善製法, 希望會整得更好!