泰興奮 - 我們又要飛了!

話說老婆睇緊7 月份去長隆動物園的資料, 兩日一夜都二千幾

跟住同 Eva 傾開, 諗諗吓搵個星期五放假, 星期四晚飛的話, 都可以去個東南亞喎!!!!

於是睇睇睇, 嘩, 暑假的 packages 貴都史...... 我哋都三年冇喺暑假去旅行了

見到師妹啱啱去完蘇梅返嚟, D 藍天白雲陽光海灘好正啊!

忽然間, 網上有 promotion, 只是今朝一路食早餐時睇到,
等波比先生起身, 問佢意見, 佢都肯喎! 嘩, 只係十數分鐘, 我們就決定了!
去一個從來冇諗過會去的地方  - 布吉呀!!!  (係呀, 無啦啦由番禺變咗布吉)
我會好好讀書, 考埋個試就有得飛喇!
嘩嘩嘩, 第一次陽光海灘的假期, 第一次唔知嗰度有咩玩就決定去,
第一次連酒店都未做好資料搜集就 book, 第一次可能冇行程齋 hea 之旅!!!

哈哈, 總之係放假, 係離開咗香港 , 有個乾乾淨淨, 舒舒服服的地方過幾日就好了~
想起泰國的美食, 真係流晒口水, 仲要係夏天, 一定有好多新鮮水果呀,
BigC 我哋嚟喇!!!

今晚咁啱係整泰式青咖哩雞, 嘩, 真係唔錯, 可列入本年度撚手小菜之一!