還是買了

哈哈, 諗咗好耐究竟買唔買正文社的京阪神旅遊書,
因為我已經有兩本喇, 再買好似好嘥錢 (真係未見官先打八十大板嗰隻 feel)
最後, 見教協 $60 都係買了.....
因為佢的地圖真係清楚好多呀, 解釋 D 嘢又好詳細喎,
不過係神戶嗰 part 勁嘥錢囉, 都唔係講神戶市嘅, 剩係講有馬溫泉, 咁都可以叫本書做「京阪神」?

睇完本書, 又改改行程, 發覺 5 日實在太少了...... 有D 後悔點解唔搭早機.....

今晚去了旺角咖哩大王, 二人餐好好味,
咖哩好濃椰香, 油酥餅熱辣辣即整, 正呀!