大阪神戶遊的開始

我哋返來喇! 老實講, 真係好唔捨得返嚟, 因為仲有好多地方未去, 好多嘢未食.....
真係後悔點解唔搭早機去.....
此行在很多不安中完成, 因為日日都擔心天氣的轉變, 猶豫了很久究竟行程應否作出調動,
最後在天公不造美下, 除了星期一是天晴, 日日都又落雨又凍, 凍到史......
最後一日影櫻花, 天晴了一小段時間, 算幸運了吧!

來個簡單的遊記, 太多相去 Facebook 睇啦, copy 來 Blogspot 真的很很很煩!
這裡較多文字的描述

今年比結婚周年正日遲了一個星期才去旅行, 因為想更大機會看到櫻花



星期日, 搭了 CX 的下午機去大阪, 吃了個咁多次坐 CX 機之中, 最難食的飛機餐.....
是白烚魚+ 白飯 冇汁....... 我同波比先生講:「好似我醫院 D 病人食嗰 D 病人餐.....」嗯......

到了大阪, 比原定時間早了點, 希望趕得切 9:25pm 的機場巴士,
所以我拎了一件行李後, 就派波比先生等第二件行李, 自己先出關去買巴士票,
點知因快得慢..... 波比先生因為沒有與我一起, 被關員攔住, 要佢自己填一份報關表,
攪到仲嘥咗好多時間, 出到來, 見住架巴士走, 嗚.......

唯有安慰自己, 可以去買埋張大阪周遊卡, 唔洗過幾日周圍搵啦~

去到酒店, 嘩, 被安排住在頂層 31 樓的房間, 景色超美!
(不過只係第一晚睇到夜景, 之後日日落雨, 玻璃窗只有水珠......)



房間係咁多次去日本中最大的! 真係同之前喺酒店 website 見的相片一模一樣,
又新又靚, very good! 推介這間 Hotel Monterey Grasmere Osaka 呀!


Settle down 後去了道堀頓行一轉, 吃了神座拉麵,
得十度都冇嘅情況下, 食一碗熱辣辣的拉麵, 太美好了!
我們就是為了那溏心蛋而來的!



之後還吃了本家八爪魚丸, 正呀!
已經 12am , 所有舖頭都關門了, 只好去行行激安之殿堂,
一行就掃咗唔少零食, 不過後來發覺買貴了.......
旅行就係咁嘛, 快快手買又可能買貴,
行多幾間格價咩, 後來先發現之前已經係最平, 但已經冇時間再返去嗰個地方買了.....

星期一, 一早起身就去新大阪站, 轉車去神戶,
想買大阪的八達通卡 ICOCA, 去到地鐵站先發現冇得賣...... 一定要去 JR 站買,
都幾唔方便, 搭地鐵用到但係地鐵站買唔到.....

去到新大阪站, 想搭山陽新幹線啦, 係 Yahoo Transit 教o架, 話搭一個站就到新神戶,
點知去到想買飛, 同個日本姐姐完全溝通唔到,
明明係 620 YEN 的車票, 個牌都寫住, 但佢不停話冇得賣, 要我哋買 1450 Yen 的車票,
吓?? 搭一個站嗰 20 分鐘, 要百幾蚊港紙??? 唔係嘩......
嗰一刻, 好無助又無奈, 唔搭呢架車, 唔通又要返梅田轉其他車???

團團轉了一輪, 好彩原來呢個大站有得搭阪神電車都去到神戶, 但比原先的行程轉折了....嗯....
去到三宮再轉神戶地鐵山手線, 先去得返到新神戶站,
搵呀搵, 終於都搵到了搭吊車的站了!

不幸的事又發生喇, 之前明明特登上網 download 定入場八折的 coupon,
仲好開心覺得好抵咁俾人啦, 點知 Print 少咗一頁.......... 唔係嘩......
嗰吓真係十級無奈, 因為呢個景點係純粹因為有 coupon 先貪得意嚟睇吓o架咋,
而家冇 coupon, 究竟去唔去到??

最後我哋見都一場嚟到了, 都去啦......
先搭呢架吊車上山, 沿途睇到成個神戶市的景色, 好壯觀!



呢度就係神戶布引香草園了! 好彩我哋都冇嚟錯, 因為風景真係好靚,
加上今日係成個 trip 唯一一日好天的日子, 唔上山就嘥了!





在山上的建築物用腳架自拍完一輪, 就慢慢行落山,
沿途見了櫻花了! 櫻花情報話神戶 20/3 開花, 嚟到只見 1/10 的樹開了.....
見到總好過冇啦, 知足點!

櫻花有好多品種的, 我最愛這粉紅色好多花瓣的品種






一路行到半山, 就是溫室植物園, 有好多好靚的花花







去旅行, 我們好愛到大自然感受一番, 一些香港沒有的美景,
這個香草園有網友話唔值得去, 冇嘢睇,
但我倒覺得很值得去, 感受一下高山、藍天、樹林、花圃,
悠閒的曬曬溫暖的太陽, 吸一口清新的空氣,
這才是享受生活~