精神緊張

昨晚的 tension headache, 攪到成晚瞓得唔好,
今日知道有好多 inpatients 下午又要做 X-ray exam, 真係超級精神緊張........

做 X-ray 真係好難, 需知道 X-ray 只係一D  structure 的 outline, 好多嘢都睇得唔清楚,
老實講, 有時真係靠估估吓同埋經驗去 interpret,
就例如一張 X 光片, A 醫生可以話係咁, B 醫生睇又可以完全唔同講法, 有時都唔知信邊個好

唉, 今日照到有個 patient 真係好慘, 一個同我差唔多年紀嘅女仔, 廿幾歲就鼻咽癌電療化療,
今日一照, 嘩, 好嚴重, 咩都 aspirate 晒...... 唔怪之得 pneumonia...........
如果有人同我講, 我咁嘅年紀就已經乜都唔可以用口食, 我會點?? 真係好淒涼.........

放工時, 真係散晒, 成個星期都 keep 住勁忙呀, 因為 keep 住有同事放大假,
哈, 我都仲有兩星期咋!

見到airasia 又有平機票, 尋日 quote 過去 bangkok 的 $900 全包來回呀,
問波比先生好冇, 佢話去得太密了 (我唔覺喎)
咁算啦, 年尾或者去台南好冇?

繼續尋日影的九龍公園









呢支 Minolta 24-105mm 鏡, 影近嘢真係唔錯o架!
不過遠嘢就真係麻麻地, 唔知點解D 邊化囉, 同埋好難 focus 到郁緊嘅嘢,
但呢個 range 真係好好用!