打冷, 正!

因為兩個同事都放大假, 呢兩個星期都會做到史......
今日太夜收工, 出了旺角食飯, 波比先生提議食打冷

樂園粉麵就食得多, 打冷呢邊都係第一次!
叫了 9 菜豬紅, 豉椒蟶子, 蠔仔餅,樣樣都好好味啊, 一定要再來!



回家路上, 見到佢哋!



主人話:「你自己玩啦」



於是肥老虎狗就兩手踏著滑板, 兩腳一撐, 滑行去了~ 好勁呀~
佢仲識四隻腳企晒上去咁滑, 仲要滑好遠, 真係好攪笑!



玩到一半, 傻狗已經喘晒氣, 忽然間跳離滑板, 停喺度史都唔郁~
佢個傻樣, 真係好爆笑!