[小豬嘜] 吉之島 BB 展好鬼抵!

今個星期, 很忙於進行終極 BB 用品採購!
等咗好耐, 終於等到吉之島之 BB 展了!! 但開頭訊息混亂, 唔到 5/3 佢都唔公佈 BB 展是 6/3-18/6
在 BK 見到有人 2/3 已去了掃貨, 當天是每月的2號, aeon card 再多 95 折, 但我已 miss 了.......

4/3 打電話去問, 職員答5/3 先開始, 但我都係心郁郁, 4/3 當晚食完飯就捉埋波比先生去 shopping 了!!

去到見到職員好忙在準備聽日正式開始的 BB 展, 但其實今日啲貨品已有特價!
普遍8折/ 85折, 用 aeon card 再有 95折, 係時候要買 BB 床了!
睇中咗 California Bear 的床仔, 因為床仔要推出推入睡房, 所以只可買 24" 闊以下的 model
即是得 Mercury Mini 同 Venus 可以揀, 睇嚟睇去, 其實只係長度差 7cm , Mercury Mini 就賣貴 $200
不過見有折, 最後都係買了Mercury Mini 喇, $1694 連床褥實在好平!

跟手又睇埋奶樽消毒器, 我其實都唔係好知有咩分別, 不過我醫院都係用緊 NUK,
自己都覺得 NUK 可靠, 今日仲有超特價! 平時五百幾, 今日 $450, 二話不說就買了!
不過我好白痴, 其實我一路都覺得買煲應送埋個奶樽夾 (因為醫院用開嗰個夾我覺得唔係另外買的), 但今日睇個陳列品時見到入面冇個夾, 就以為係唔跟!!
然後就 $49 買咗個夾!! 返到來一打開個煲, 先見到入面有, 同埋原來波比同事都有俾到一個我哋!
T.T 好白痴, 屋企而家有三個奶樽夾囉...........



4/3 買完了, 但發現未買個 cam!
終於今晚又去過, 今次去係荃灣店, 大好多!
執吓執吓, 又執到咁多嘢! 有人話 minimoto 的毛巾好用, 我上星期先去 BeBe Dream買了兩條, $159 一條好貴 (我自己都未用過百幾蚊條毛巾....)
點知原來吉之島都有, 而家仲有折, 暈了..........
於是買多條平價版, 折完一百蚊都唔洗去溝淡吓...........

仲有都係近來先知買尿片都好有學問, 一出世時 bb 太細, 要用 Huggies 0 碼,
到大少少, 有人推介用白色 Pampers NB, 我同事就話 Goon 好好用, 於是每款都買了兩包!
講起好好彩, 醫院呢期有得訂 Goon 尿片, 當然唔夠我見過有D 樓上店平, 但勝在係香港代理貨同埋有得送貨,
有時街上賣得太平的, 你又擔心佢係咪假嘢, 所以有得訂都係訂了!



哈哈, 終於都買到個 Cam 喇, 呢個 cam 由 $1398 減到 $1190
我派電腦專員波比先生幫我研究吓呢款 cam 好唔好用, 佢話 ok 我就買了!!



好多謝波比先生, 咁辛苦陪慳家老婆走了兩轉買了咁多嘢~
呢兩轉慳返成七百幾蚊啊!!

上星期, 仲買埋 BB 車喇! 左睇右睇, 本想買 Chicco Simplicity, 但拎過上手真係太太太重!
我自問都係一個成日拎住幾斤餸返屋企的師奶, 但我都真係拎唔起架車......
所以最後都係放棄了............

其實另一心儀款式就係 Combi 的 Ampio, 仲係我最愛的粉紅色又有波點!
佢的 design 同重量都冇得彈, 只係車底個籃細個D~
不過諗諗吓都冇所謂啦, 其實第時帶住小豬嘜出街, 九成時間都會揸車,
個籃的大小都唔係好緊要o者~
上星期喺 BeBe Dream 見到做緊八折, 係我睇咗咁耐最平了! 所以冇乜諗就買了!




不過睇返媽媽 Group 先知道我又豬了, 來吉之島血拼真係好多著數但我唔識遊戲規則....
1. 買滿 $2000/ $3000 傢俬/車仔再減 $100/$200, 早知我就等到今日先買 BB 車啦, 會平多 $200....
2. 每月的 2 號/20號來會有額外 95 折
3. (最揼心的) 我見佢有個24 個月免息分期, 話咩免供一期, 我一路以為係遲一個月先開始供第一期的意思,
點知聽返其他媽媽講, 先知真係24期入面有一期唔洗供!!! 天啊!! HOW COME!!!???
即係平多成 4%!! 如我買埋 BB 車, 又再平多 $150!!!

做媽媽真係要學精D 先得咯!! 來日方長, 仲有好多錢要洗呢.............