馬年收爐了

波比太太的廚房都收爐了~
這幾天波比先生話要食減碳餐, 去迎接星期日的東京馬拉松,
好吧, 就煮D 健康唔高碳的食物吧!

這晚用了在農田摘的新鮮梅菜去煲湯, 我咁大個女都係第一次見識到新觧的梅菜係咩樣, 好大棵o架~
加了紅蘿蔔、瘦肉、扁豆赤小豆去用 Fissler 壓力煲去煲, 半個幾鐘有得飲~
不過呢, 我真係覺得 Fissler 煲湯唔多好飲囉...........
佢只係用壓力令到D 材料林晒, 但D 味一啲都入唔到D 湯度, 成個湯似滾湯多D

第一晚飲唔晒, 我將湯放晒入真空煲 , 煲完再焗了一日,
嘩, 第二天才是超好飲, 成個湯好甜好甜呀!!! 這才是真正的老火湯呀~

另外煮了葡汁肉碎豆腐, 還有芥末蜜糖煎三文魚,
今次整個芥末蜜糖汁, 整到麥當當點麥樂雞個醬嘅味, 我超愛呀!
食譜係: 2茶匙芥末, 2 茶匙蜜糖, 1 茶匙日本柚子醋
哈~ 下次再整嚟點炸嘢先 :P