波比先生也完成了他人生的第一個全程馬拉松了!
今次是今年第三次搭廉航的旅程, 不過因為這日子太多香港人去跑, 機票其實也不平,
坐 HK Express, 每人連稅連行李要 $2500
去程我沒有加錢揀位, 於是早早便到機場 check in
去到 T2, 好長的人龍啊.........
攪咗半小時, 先完成 check in 程序, 即刻去lounge 食早餐
話說對上兩次飛, 都只係波比先生有 Priority Pass, 我嗰張已過期了~
兩次都係佢入去, 我喺出面等佢,
點知佢有同事話原來可能兩個人入, 我話冇理由o架???
上網 check 返, 原來只要同時 present Cathay AE card 同埋 Priority Pass, 就可以當兩個 quota, 兩個人入.....
吓........ 之前實在太豬了.........
吃過最愛的腸粉薯餅魚旦河, 飽飽的上機了!!
可能早 check in 的關係, 竟然坐第四行咁前, 太好了!
以前坐過一次 Hong Kong Airline, HK Express 還是第一次坐, 座位感覺比 peach 闊同舒適,
上到機已 announce 唔准飲食外來的食物, 這點要留意
班機 delay 了 65分鐘, 仲要係有零件壞, 工程師在駕駛艙懊惱的走出走入, 都咪話唔驚..... 始終是廉航...........
最後起飛了, 機師應該踩快咗, 只是比原定時間遲了 25分鐘到
一落機, 我們就撞到一班都是來跑馬仔的行山朋友, 他鄉遇故知, 開開心心的合照
同機有一半人都是來跑馬仔的, 感覺很興奮
落機後, 是車海電鐵再轉地鐵去東橫 inn, 今次俾地鐵的地圖老點了!
明明出對了出口, 但臨出時以為自己出錯, 反方向的行了一公里都仲未見到酒店, 見發現俾老點.....
原來有D 地圖好抵死, 唔係上面就等如北面, 可以係下面先係北面, 我真係 o 晒咀.......
行咗半個鐘, 由天光行到光都黑, 先去到酒店, 好痛苦........
放低行李就是瘋狂 shopping 的開始, 不過先去了四天王拉麵醫醫肚, 久違了的日本拉麵啊, 好味!
我們由本町一路 shop 到心齋橋同埋道頓堀,
買了超多的衫呀, 藥房嘢呀,
而家日本的稅項已加到 8%, 不過好彩多了地方同貨種可退稅,
但消耗品要被店家用個透明袋封住, 喺日本唔可以即刻用,
而且如按例係要 hand carry, 萬一過海關佢問你拎嚟睇, 你又 show 唔到袋嘢, 就要俾返稅,
但問題來了, 袋中有D 嘢係過 100ml 的液體, 唔可以 hand carry 咁點??
其實真係好矛盾! 最後請教了人, 原來90% 都唔會過海關 check 免稅品的, 所以人人都是寄倉,
我們都寄了, 最後都冇事 (但當然唔代表真係人人都冇事啦~)
此行終於都買到白神酵母喇!!! 上次買到已經是年半前的事, 之後來了幾次日本, 就是找不到....
今次 check 定, 原來 Tokyu Hands 有得賣, 一買就買了好多盒, 太好了!
俾錢時, 外國遊客仲有 5% discount, 太好了!
行日本的商店, 你會好佩服日本人的聰明, 生日用品中, 往往發明了很多有趣又超實用的東西
在 Tokyu Hands, 見到這個鹽份計, 放入食物就測到食物有幾咸, 對D 要低鹽飲食的高血壓人仕可能好有用!
九時多, 來到道頓堀, 見到昨晚才新登場的 Glico 人呀, 個背景會轉o架, 好多人影相
之後去了這家台灣人推介的磯丸水產
一枱一爐的燒海鮮, 698 Yen 的燒蟹羔, 正到冇朋友!!!!!!!
我第一次食燒熱燒香了的蟹羔, 用來拌飯吃, 是絕頂的美味, 是這個 trip 最好吃的東西!!!
什錦魚生飯, 不用 1000 yen
這是必點的燒吞拿魚骹, 上枱時,大得嚇死人了!!!
雖然是魚骹部位, 但入面有很多很多肉, 多到食唔晒! D 肉仲好滑呀!
點了一個貝類的拼盤
燒帶子同埋北寄貝最好食, 個螺就有D 'un'
但吃到新鮮水產的鮮甜味, 真的很讚!!! 呢間舖頭真係超推啊!!
最後仲買了 Starbucks 咖啡同甜薯戚風蛋糕返去酒店做宵夜,
日本的星巴克, 一入內就是香得過份, 香港的分店, 是沒有這種香氣的~
捧著很多戰利品回去, 累死了~
在香港的星巴克, 完全找不到一件咁好食嘅蛋糕
.jpg)
沒有留言:
發佈留言