在酒店好難截的士, 部部都唔肯載,
最後有一部開價 120 baht, 冇辦法, 都要坐 (平時計咪錶只需 70 baht), 因為唐人街係行唔到去的
我們是在第一次遊曼谷時嚟過唐人街食飯, 第二次曼谷遊冇嚟到,
不過上次因為時間太早, 好多街邊檔都未開,
今次再訪, 先知成條街有好多正嘢食!
行了又行, 最後還是回到三年前食過的 T&K Seafood, 因為好似較有信心,
第一道菜係炸蝦餅, 哈, 太回味上次喺布吉食嗰D 了, 不過蝦肉似乎唔太夠鮮味
第二道 - 咖哩炒蟹, 個汁超正, 因為有落到蛋, 好似仲有咸蛋黃一齊煮, 好香!
用來送蟹肉炒飯, 真係好正啊~
食完打算去掃街, 見到傳說中的榴槤檔,
好恐怖呀~~~ D 榴槤係兩個人頭咁大!!!
但因為價錢都幾貴, 所以冇買到啊~
跟住去了街邊的糖水店, 還是第一次在曼谷食燕窩
只係 HKD 20 的價錢, 咁大碗, 成碗都係燕窩, 抵到爛! 不過味道好甜吓
波比先生的白果龍眼糖水, 好食, 不過都係好甜............
食飽飽, 打的返去 Siam Paragon, 趁超級市場收工前, 波比仲去買腸仔食,
第一日o者, 已經食得有點過份.............
沒有留言:
發佈留言