剩下三十六下的心跳

由上星期六開始, 覺得有心悸的情況, 同埋有時個心跳得好慢,
可以慢到得 40 beat per minute, 於是星期一走咗去 staff clinic 睇醫生,
呢D 情況, 我都知好難 check, 因為睇醫生/做檢查時又未必係跳得慢嗰一刻, 所以檢查可以係一切正常!

醫生問完一堆症狀, 去做心電圖 (唉 , 我知都會係 NAD), 再去抽咗三筒血檢吓D 肝功能腎功能電解質等等,
醫生話兩星期後自己再約覆診睇 blood result

點知我尋晚聽返下午一個 voice mail, staff clinic 無啦啦叫我返去睇 blood result,
咁就大鑊喇, 一定係有嘢唔妥先會咁叫你返去.......... 驚............

今日一返工, 就係自己 click 入醫院的電腦系統, 睇返自己的 blood test result, (哈, 其實係唔得o架)
發現有兩個 reading out of normal limit, 但其實只係差少少o者, 真係嚇死,
中午去見醫生, 我影低咗心跳慢時用 oximeter 度的 pulse rate 相片俾佢睇,



點知佢話有時 oximeter 唔準, 叫我自己度 pulse,
但我想話我係自己打 pulse 覺得慢先再用 oximeter 度去證實係慢,
有時D 醫生, 就係唔多聽病人講嘢......
好彩, 醫生話 abnormal blood test result 都其實冇咩 significance,
即係話抽咗三筒血後, 都搵唔到咩原因解釋心跳慢的問題,
跟住又叫我去抽多筒血, 我都唔知又抽嚟做乜...........
好似病房D 病人咁, 得閒無事就俾醫生 order 抽血, 成日都聽到D 病人話:「又抽?! 今朝已經抽咗兩次喇喎, 我冇血o架喇!」

一切都當作係 NAD 的情況下, 我就繼續我嘅生活囉,
有咩好唔舒服, 我會去 A&E o架喇 (上次的醫生先攪笑:「妳嚟睇我冇用o架喎, 有咩妳去 A&E 啦」, 係! 我都知 staff clinic 的醫生冇咩用..........)

星期五放工, 好嘢!
去行書局睇圖書係最好的節目, 睇吓旅遊書, 為曼谷之行程作最後 update!
同朋友食晚餐, Pancake color cafe 的食物有點跌watt.......
只有個甜品係好食, 兩個主菜都真唔到一半.........