一雞兩味

又過了一個好忙碌的星期四, 遲放工, 本想偷懶唔煮飯,
不過屋企仲有d 餸, 唔好浪費, 又見到新元中食店的人龍長得黐線, 都係煮罷啦~

趁天氣未熱, 好煮多一兩次煲仔飯喇!
今次用了蒜頭豆豉同蝦醬去醃雞, 煮完香噴噴啊! 豉油都唔洗落~



因為買了兩隻雞脾, 煲完飯仲有好多雞肉, 就整個五香脆炸雞益吓波比先生啦~
以前波比放工返嚟, 好鍾意買元朗站的大雞大炸雞 (即好似豪大大雞扒),
不過因為好唔健康, 後來再沒有買了~
今晚整的炸雞, 就可以滿足一下佢的口癮喇~
仲有雞蛋薯仔片伴碟, 夠晒熱氣! 耐唔耐熱氣一次, 放縱一次啦~
炸嘢係令人好開心的食物~



早幾日整完紅豆蛋糕後, 仲有紅豆剩,
尋日煮完咖哩又有椰汁剩,
咁就順理成章整咗呢個豬頭椰汁紅豆糕喇!
我實在有點怕用鷹粟粉去整呢d 中式糕, 因為都幾難控制火喉,
但今次算好彩, 凝固到, 唔會一 PAT PAT,
不過脫模始終有點難道, 攪到豬仔爛面............