第一個感覺是好, 起碼D 錢唔洗益咗基金佬,
第二個感覺是兒戲、怕會引發更多問題
在香港地, 真的百物騰貴, 去茶餐廳食個飯愈加愈貴,
身為一個師奶仔, 見盡街市行情的變化,
六蚊斤菜已經好難搵, 而家已經係十蚊斤, 豬肉買廿蚊只有一小片,
鷹嘜煉奶由6 蚊加到9蚊加到 $12.5,
五香肉丁賣 $16.9, 杯麵要 $10,
以前買一餐餸, 三四十蚊就得, 而家差不多要五六十蚊先得呀!
好多人生活, 真係唔容易
派了 6 千蚊, 開頭又話唔派得, 而家 180 度轉軚咁容易就派, 實在好兒戲!
對一些人, 尤其是一些窮人, 這6 千蚊真係可以令佢哋生活冇咁困難,
但都只係幫到燃眉之急, 長遠點樣壓抑通脹, 才是更重要的,
錢派得一年, 斷估都唔可以年年派掛, 咁出年都仲係咁百物騰貴, 大家可以點?
呢 6 千蚊真的用在基本生活開支上, 我覺得其實唔會點刺激通脹,
因為食物同日用品, 本來都係要買的
但係呢6 千蚊落到一D 人手上, 佢哋根本無憂衣食的話,
忽然間多了的錢就用來玩樂消遣, 就真係會刺激通脹
看了星期日檔案, 香港有些很窮的孩子, 但人窮得有骨氣,
看到小妹妹為了可以拿獎學金而努力讀書, 實在感人,
錢是應該去幫助這些有需要的人嗎?
http://mytv.tvb.com/news/sundayreport/116244#page-1
***************************************************
在廚櫃搵到一包紅咖哩醬, 今晚就用來煮泰式紅咖哩雞,
從煮食網站睇到, 煮泰式咖哩要加檸檬葉, 好彩都俾我買到!
原來檸檬葉就係嗰種好泰式的味道, 煮咖哩真係好香呢, 正呀~
沒有留言:
發佈留言