如果我早知道今個星期六的 Master course 是上埋D 無聊嘅 Research Method,
我一定會唔返而留多兩日囉..........
我們 12 點幾就要離開, 要好好善用一朝的時間~
波比太太諗, 福岡是個海港城市, 一定會有 D 魚市場之類的地方嘅!
旅遊書沒講, 旅遊 website 都冇講, 最後, 我用 google map 同日本版 openrice 去 search!!! 真係搵到!
Google map 真係好鬼死好用, 呢幾次去旅行我都有用佢嚟搵有咩地道的食玩買好地方,
仲可以用 Street View 睇埋D 街道情況, 唔驚盪失路, 我嚟到天神, 做晒功課後都唔洗睇地圖都識行!
我 search 到由酒店行五條街就去到一個魚市場
呢度唔係好似築地咁開放式, 而只係一座大廈, 要到星期六先會開放賣魚情況俾人參觀,
地下有幾間食店, 係俾D 漁夫用膳的, 佢哋賣的魚生當然是最新鮮的!!
不過呢度唔係做遊客生意, 全日文 menu 我都唔識睇,
估唔到呢個時候波比團友語出驚人:「呢個字咪即係海膽囉!」
「吓, 你唔好老作喎!」
「咩呀, 我真係識o架, 我喺若狹家食嘢嗰時好努力背o架」
「你個衰仔o丫, 第二D 嘢又唔見你咁勤力」
最後我們還是選了一間有圖片的! 是一對老夫婦經營, 很愛這種家庭式的舖頭
這是我的 900yen 海鮮飯, 嘩, 真係好得囉, 樣樣都好新鮮, 尤其是吞拿魚!
右邊那種魚很爽口, 魷魚都好鮮味!
最後的機會, 有人點可以唔食海膽o丫!
佢呢碗高級版有D 高級魚, 紅紅地色的皮 (好似石斑), 好食到唔識講..........
晨早九點幾, 食咁大碗飯, 真係飽到想嘔..... 但又真係好好食, 好努力地食多D.....
最後, 都係食唔晒囉~
套餐有蜆湯同豬骨湯, D 蜆好大隻, 其實好好食, 但真係太飽了, 只飲咗少少咋
不同的海鮮有不同營養價值, 波比先生大條道理叫我俾佢食日本嘢啦~~
食到好飽, 我哋要走走路運動吓
去了 Lawson 掃杯麵, 返酒店 pack 好行李同 check out, 我們還有兩小時衝刺!
我們去了 Bic Camera 第二店, 見到的同尋日喺 Yodobashi 見到的差不多
呢個收銀機勁想買啊, 不過五千幾 yen, 日本的玩具貴得過份!
呢個薯片夾, 食薯片唔洗整污糟手 (打牌時用最好)
行完 Bic Camera, 再行埋天神的幾個大商場 , 只夠時間行兩個咋
終站是去超級市場, 睇睇有冇食物買, 一買就買了好多麵包蛋糕!
哈, 唔係香港冇得食, 不過日本呢D 又真係好鬆軟o架~
當波比先生忽然間話好想買杜如風介紹的樹輪蛋糕,
我話「 hey 點會有, D 書冇介紹喎」
點知...... 行多唔夠十步竟然見到嗰間舖頭, 唔係咁邪呀?! 開口中............
於是, 我哋又走水貨蛋糕返香港喇, 嘩哈哈!
Solaria Stage 商場有好多可愛的店舖, 可惜我哋真係冇時間了, 只可快快繞一圈
最後到岩田屋的 basement, 波比被那咖啡香吸咗埋去,
我哋買了那隻「咖啡王」, 真係好好好勁!!!
D 咖啡香味不斷從波比的背囊飄出, 勁得過份! 過海關時, 我驚佢俾人誤會帶毒品囉!!
再見了, 這可愛的天神村, 我們一定會回來!
12 點幾起程, 去到機場 check in, 先發現我睇錯了班機的時間!!!!
我一路以為班機係 2:40pm , 原來係 2:20pm!!!
大鑊, 我哋好似係最遲的一批 check in........
點知又好感恩, 我哋雖然坐得好後, 但都算有得一齊坐呀! 老婆真係太烏龍了...........
上機前, 食埋個牛肉薯餅做 lunch, 不過又唔好食添..... 因為唔脆呀..........
上機喇~
再見了福岡~
1.5hr 就到了上海
好奇怪, 我們冇得「轉機」, 要同所有人一齊入境, 跟住又再過海關出境,
一來一回, 攪咗大半個鐘囉...........
見到機場有大閘蟹賣, 一盒盒的, 有諗過不過冇買啦, 再食膽固醇超晒標呀!!
本來等兩個鐘就轉機返香港, 點知............... 班機 delay 一個鐘, 唔係化.............
波比先生話佢搭 MU 出差時, 都係好常見的............
波比忍不住吃了他至愛的蟹棒
好彩繼續 iPhone 煲劇, 全靠部 iPhone 今次搭咁多程機先冇咁辛苦 ,
因為我上到機完全唔會瞓到, 去日本通常四個鐘機, 真係好難捱............
最後一程機, 竟然食完一大個 set 後, 仲有雪糕, 喜出望外~
是次旅程圓滿結束, 十萬個感恩、滿足、開心~
波比夫婦應該會停飛半年先喇, 因為我要讀書, 又要儲儲彈藥,
不過.... 如果.... 或者..... 有平機票的話, 又唔排除忽然又飛o架喎, hehe~~
.jpg)
沒有留言:
發佈留言