你最鍾意玩咩?

有一個可愛的四歲妹妹, 我問佢:「妳最鍾意玩咩呀?」
「我最鍾意玩 facebook」
O 咗咀..... 「吓, face~~~ book~~~?! 妳識玩o架?!」
「識o架, 有得種花同養動物o架」(Pet society 乎?)

haha, 我之前都聽過朋友話佢個 facebook 係主要用嚟俾阿仔玩 Happy Farm,
但我真係冇諗到四歲的小朋友都識玩囉~

聽到有個三歲幾的小朋友在 Waiting area 笑到咔咔聲,
我離遠嗌佢, 問佢玩咩咁開心,
佢答我:「玩 iPad」, 真係啞晒.............

呢排真係忙到嘔...... 一轉凍又可能好多老人家入院,
寫排板愈寫愈快, 愈寫愈撩......

在醫院工作的人都好有災難性思維,
流鼻血會好驚自己鼻咽癌, 頭痛就驚腦癌,
今日我條脷忽然間好痛, 第一樣諗到的就係舌頭癌..... (尋日先睇完個切咗成條脷的舌頭癌病人...)
睇清楚無啦啦損了! 快快搵D 藥嚟食先得!

今晚煮了黑椒牛肉炒蜜糖豆



仲有呢個好好味的茄子, 超易整, 只係蒸熟了茄子,
面頭淋個有: 日本麻醬 + 花生醬 + 麻油 + 蒜蓉 的醬汁, 非常之甘香o架~