至正 Hot Pot @ Home

上星期話同 HSBC 信用卡換o左個電磁爐, 今日去o左攞,
今晚即刻用o黎打邊爐先得!

今日下晝搵 cafe 飲o野搵唔到之際, 撞入o左一間o係新 B 仔對面街,
綿綿冰隔離舖的新開日本食材店, 叫做「小樽」,
入面有好靚o既裝修, 老闆絕對係有 taste 之人, 賣的都係日本入口的食材

最吸引的, 係凍肉櫃入面的原隻松葉蟹、蟹腳、超大帶子、海膽、大蝦...
仲有我o地都有食開o既日本烏冬, 調味料等等,
好似將 CitySuper 的最正貨品搬o左o黎咁!
元朗正需要一間咁o既舖頭呀, 有質素的日式食物, 元朗絕對有市場

見我o地拎住個電磁爐, 老闆介紹我o地買呢個火煱湯底 ($49),
辣味麵豉湯, 好正啊!

有菇有丸有日本蟹柳

滾呀~~~ 呢個爐好掂呀, 好快就滾起, 調教火力又好方便!
都未試過o係屋企打邊爐打得咁爽! (之前的爐好鬼死慢...)

戲肉所在: 老闆推介的安格斯雪花肥牛

我可以話俾大家聽, 真係超超超好味!!
係我咁大個女食過最好味的肥牛!
平時去酒樓食o既一 d 都冇得比, 小肥羊o個 d 我都覺得唔錯, 但都唔係佢o既級數!
入口嫩滑, 牛味十足, 雪花的分佈算平均, 一 d 都唔 "un",
YUMMY~~~

極力推介俾元朗人, 一定要試o下
我o地都會再幫襯啊!
有o左個爐咁方便, 即使我遲放工煮唔到飯, 都可以成日打邊爐了, 呵呵呵~