此行主要在道東欣賞大自然景色，好多景點唔揸車根本就去唔到，所以就租咁八日車自駕遊北海道東一圈
租車網站:
睇咗幾間租車，都係 Tocoo 最平，但北海道租車都係好貴，貴沖繩兩三倍
http://www2.tocoo.jp/cn
在 Tocoo 租了八日車，為慳錢只租了 1000cc的車仔，有 March 或 Passo 會提供
連埋保險大概 50000yen
北海道的 ETC CARD:
Tocoo 有得租埋 ETC card, 我以為方便就租咗啦，成三千幾 yen,
點後來先發現原來去道東根本冇乜 IC 路，只是第一日去帶廣，同埋最後一日由富良野去機場用了兩次，ETC discounted 後平咗嘅錢，都 cover 唔到我租卡嘅錢，豬咗。。。
ETC CARD 介紹
http://www.go-etc.jp/english/benefits/index.html
想 CHECK 北海道有咩 IC 公路, 可睇以下網址
http://www.driveplaza.com/dp/ResultFromMap
ETC Card 就像一張信用卡的樣子, 租車時記住要租付有 ETC 設備的車,
上到車就將張卡入落去呢架機度, 見到綠燈就 OK!
過收費亭時, 要減慢車速到 20km/hr 以下, 等個 sensor detect 到你架車的 ETC card, 唔好以為好似香港行 Auto toll 咁直過呀~
租埋 Wifi Router:
而家 Tocoo 有個 service 幾好就係有埋 WiFi router 租，八日都係三千幾 yen, 平到笑，又唔洗喺香港特別去啲公司借還
除咗喺深山，大部分地方都收得好好，速度又快，電又耐用, 真係會推介俾朋友
ETC CARD 連 Wifi router 會以郵包型式寄去機場的郵局或你住的酒店，並不是在租車公司攞,
我就係一到北海道就喺機場郵局拎，超方便
Package 內有晒中文的 instructions, 又有個回郵信封
你還車嗰日，入晒啲嘢落去，拎去郵局或便利店寄咗佢就得了!
取車流程:
到埗時，去機場一樓搵返租車公司的櫃檯，我是跟 Budget 公司取車，俾資料佢睇，就有七人車嚟接我哋去租車公司
一大堆租車公司都是在 Rera outlet 隔離，去到呢，有人搬埋我啲行李上架私家車度，超好服務
俾埋錢 check 你 passport 同 driving licence 好快就走得，
今次俾咗架 Toyota Passo 我, 係怪怪啡色的，
不過後來覺得好處係你喺有成百架車的停車場想搵返自己架車時，實在太易認了!
Toyota Passo 車仔:
第一次揸波棍連在軚盤的車，有啲唔慣，
仲有鎖車的手掣變了腳掣，超唔慣。。。
第一次揸咁細的車仔，感覺是俾油唔去，上斜冇力，倒車時唔會自動溜要踩油，
第一程就是行 180km 由機場揸去帶廣，行 IC 公路時，有好強的橫風，第一次體驗到咩叫架車飄
而對頭有大車經過，都會覺得架車俾風扯到擺一擺。。。
Passo 的車尾箱好細，只擺得落波比的大行李，我的行李要放後座
但細車當然又有細車的好啦，泊車易，同埋今次行咗好多好多好窄的田野郊外的山路，如架車闊啲我都唔知點揸
GPS 篇:
租車時要選埋有 GPS 的車, GPS 可以日文/英文操作, 大致滿意,
不過喺川湯時試過收唔到, 行行吓唔知去咗邊, 要停車等佢再 detect
指示的路都好準確, 不過佢只有大路, 喺富良野試過睇路牌行小路會比佢提供的路線短幾公里
同沖繩經驗一樣, 聽到 GPS 講 "Just ahead, turn left" 都唔好即刻 turn left 囉, 好多時都係仲有 300m 下個路口, 要睇埋佢顯示剩餘幾多米
問題會是有時入了目的地電話都 search 唔到個地方, 有 map code 就真係入 map code 好D!
建議帶定電話架, 試過有咩事就用返電話的 google map 導航
入油篇:
今次行了1300km, 入咗三次油共 10000yen
油站俾我想像中多，一按 GPS 「給油所」佢會帶你去最近的油站
有時一個油站入面，有啲位寫住「セルフ」係俾人自助入油的，平 3yen /Litre
我唔識梗係唔好亂攪啦，一定要選寫住 "Staff" 「スタッフ」的位入去, 有職員幫你入
入到去識得講三個字就得:
Regular - 普通油
Man tan - 入滿佢
Cash - 俾現金
留意取車時搵定開油缸蓋個掣喺邊，免得去到油站不知所措
停車場篇:
全程自駕，令選酒店多了點煩惱，就是一定要找有駐車場的酒店
有三天是住市區的商務飯店，附設的都是立體駐車場，即係自動運架車搭 lift 上去的多層停車場
去日本多次見就見過，但真係唔知點用，上網又搵唔到相關資料，去之前都幾擔心
去到第一天的 Paco 飯店，原來係有專人操作的，
雞同鴨講一輪後，原來未入 lift 前，乘客連行李落晒車先，
司機要收起側鏡，以免撞爛，
駛入去架 lift 時，原來前面有好大塊鏡俾你睇到前轆是否正確進入路軌，
前面仲有燈號 "前進", 駛到啱位盞燈就會變 "ok", 咁就可以熄車走人了!
職員會操作運架車上去，再俾個牌你，聽日取車俾個牌佢，佢就幫你運返架車落嚟了!!
住了兩間東橫 inn, 去到旭川嗰間時，竟然冇人幫手要自助使用立體駐車場，實在手足無措。。。
波比先生落車去 reception 問，就拎咗張泊車卡返來， staff 明知我哋唔係日本人都唔出嚟幫手。。。
有個 control panel, 全日文。。。 靠睇漢字估佢點用
先拍卡，Lift門打開，塞咗架車入去後，有個黃色的"安全確認" 燈亮了就按一下，再按一下亮了的"扉閉"燈號，
就關了Lift 門，架車運上去了!
取車時，先拍卡，然後有個窿打開了，就掉張泊車卡入去，再見到咩燈閃就按咩燈，最後又安全地運返我架車出嚟
泊呢啲立體駐車場，記住拎晒行李出來，否則想運返架車出嚟拎嘢都幾麻煩
又有分無料同有料，第一間 Paco 飯店係無料唔洗錢的，
東橫 inn 就 500yen 一晚
而泊咗車之後，我都冇試過即晚又拎返架車揸出去食飯，怕實在太麻煩，萬一你出咗車，有人泊咗你個位，返到嚟車場 full 咗都唔知點算
要知道無論洗唔洗錢，呢啲停車場位都係先到先得，full 咗就冇
酒店會同附近的停車場有聯系，俾你以特價泊車，但怕唔識同車場職員溝通，都係可免則免
所以搵酒店時，都要睇清楚有幾多車位，同埋使用時間，有啲你未夠鐘入住係唔俾你泊車架
Book 近郊的酒店或溫泉酒店就方便多了，總有一百幾十個車位，唔驚 full 唔洗搭lift ，
有時我仲會喺 Google map satellite view 睇吓個車場有幾大，進出也自由多了
日本地方大，所有景點都有充足的停車位，不過遇著旺季都可能會 full, 有日本人對我們說，旺季時要排個幾鐘入停車場也不足為奇
交通知識:
出發前，打算做個安全駕駛的司機，在香港我一向也十分守法，
第一程行高速公路，就發覺全世界都在超速，根本冇人行 70km/hr.....
如你依時速限制行單線的國道，後面往往會做成一大條車龍，我也被行緊百幾的快車推過無數次，但我想講我其實都平均超速了 10km/hr
可能他們每個地方的距離實在相距太遠，唔行快啲真係天黑都未到目的地
但跟住大隊超速的時候，心裡其實十分不安。。。因為真係好擔心公路上有隱藏的快相機，萬一俾人捉超速，要罰成萬 yen 啊！
而這個旅程，我亦真的斷正了!!
第一天揸車去帶廣動物園，行到較荒蕪之地，在路口忽然見到個紅色倒三角形的警告牌，我記唔起佢點解，我又似係喺大路，就直行直過
行咗幾百米，忽然有架閃住紅燈的警車喺我後面嗌咪，心想大鑊喇，唔通我犯咗交通規則??
停車後, 警察哥哥嚟到, 佢話我聽我頭先見到停車標誌冇停, 仲有開得太快, 心想大鑊喇..........
佢問我攞車牌, 又拎本簿仔出嚟, 心想死啦, 人生第一次俾人抄牌要喺日本發生??!?!?!
點知原來佢只係畫圖解釋多次我頭先有咩問題, 叫我記住要停同開慢D, 然後就放我走了!
Thanks GOD!!!! 我停車後即刻再睇返熟D 路標意思啦!
北海道尤其是道東那邊, 很多動物出沒注意的路標~
看到路上的小狐狸仔嗎??
今次我們真的在路上見到狐狸仔同鹿仔呀!!! 所以真係唔好行咁快, 一陣停唔切車親小動物就唔好了!
見到徐行, 即是要慢駛
會有人 fing 旗仔, 白旗就過, 紅旗就要停車等候了~
市區內揸車, 更要慢,
因為好多時前車會忽然停低, 想跨過對面線轉右入對面的舖頭停車場
仲有古惑的紅綠燈, 黃燈後兩秒唔夠就會即轉紅燈, 快過香港好好好多!!!!
好多時根本完全停唔切車, 行 40km/hr 都會 dup 得好突然!
但北海道道東真是一個很好的自駕地方, 田園山谷風景都超美,
自駕的樂趣, 就是唔洗被 JR 的班次所限, 同埋玩得道東要不停轉酒店, 根本太難想像點每日都搬十幾公斤的行李上上落落鐵路同巴士~
八天自駕, 連油錢都係 60000yen 攪掂, 即每日 HKD570 啦, 其實都算很合理!
有機會, 真的要來一趟啊!!
其他遊記: 2014 北海道道東芝櫻之旅 - 總目錄
.jpg)
沒有留言:
發佈留言