[2014 北海道] 宮越屋珈啡 x 鴨川豚丼

寫了兩篇遊記, 第三篇終於都開始寫我們的遊歷了 :)

8:45AM 很準時的到達北海遁新千歲機場, 去郵局取 Wifi 機之後, 第一件事當然是醫肚
新千歲真係一個我最喜愛的機場, 吃的看的玩的都有,
出發前, 已在它的網頁睇定邊間食肆有早餐食, 原來都唔少
http://www.new-chitose-airport.jp/tw/spend/shop/eat/

吃第一餐當然要是對自己好一點, 尤其是坐咗好多個鐘頭飛機又瞓唔到, 好需要一杯好咖啡去醒神,
我們去了三樓的宮越屋珈啡, 上年去旭川時去過一次, 好滿意, 今次吃早餐, 唔知又點??



er....... 入到去坐低先發現呢度冇早餐 ABC.......
但都坐低了, 卡位又大又舒服, 唔願走, 有乜食乜啦..........

點了一個 Toast Set, 一個 Cheese Cake Set, 即磨咖啡真係好正



厚多士! 哈哈哈! 你厚多士!
點解北海道D 牛油咁好味, D 麵包又咁鬆軟o架!?!?!



兩個港燦等食時做乜? 梗係上網啦!
我一打開波比先生個袋, O 咀, 如果我係海關, 我會懷疑佢走水貨尿袋囉!
日日揸車都有點煙插, 點解要帶咁多電呢?



吃飽飽, 去攞車, 跟住就出發了! 先是揸 160km 去帶廣!
其實到埗時落緊雨, 一路都落雨, 仲好強的橫風, 樹都吹埋一邊



GPS 就係好好, estimate 晒你去到 IC 出口處的時間同價錢



一路揸, 有段時間真係睡魔急 call, 條路又直, 好不容易先捱到帶廣!



到了帶廣的第一站, 又是食, 哈哈!
帶廣最出名的就是豚丼,
鴨川豚丼 (Tel: 0155-23-9023) 是較地道人才會去的, 旅遊書沒有介紹~
是一間平房, 一對老夫婦經營~

揸車揸到去, 之前還擔心唔知泊邊好, 附近都是平房, 街上人影都冇個, 泊在街邊的車位就可,
千萬不可泊入月極駐車場呀, 是月租的停月場 (但其實又冇人守住, 泊一陣都冇人理)



入內, 只有十多個座位, 除鞋坐了枱仔位,
見到有 Tripadvisor 的獎狀, 勁呀!
店內只有三樣嘢: 豚丼、味噌豚丼、味噌湯; 不過是日味噌豚丼賣晒了, 我們都點了豚丼 (980 Yen), 說 Buta Don 就可以

店內有句日文, 唔知係咪話唔准影相? 定唔准用閃光燈影相?
我相信是太多人慕名而來, 有D 遊客影相影到騷擾到其他食客, 所以會有此告示

我真係唔敢影呀, 係波比用電話偷影了一張,
嘩, 點解咁好食o架????
D 豚肉醬汁甜甜的, 加上豬肉的油份, 令到那本身已很香的日本米飯十個好吃!!
平時不太吃飯的我, 也一個人清了一大碗, 就知道真是名不虛傳!



吃過真正的十勝豚丼, 就知道香港那些實在差太遠了!

其他遊記: 2014 北海道道東芝櫻之旅 - 總目錄