寫 blog 可能要寫足幾個月先寫得晒，哈哈
讓我說說這旅程的由來
話說我一向要半年前就請假，五月預了一星期的假期，心想一係去馬來西亞食榴槤，一係去北海道睇芝櫻
一月的時候，遇上廉航 peach 做得價，本來都冇興趣，因為大阪真係去咗太多次了，
但想起在網上見過人搭 peach 去大阪再轉內陸機去北海道，於是就開始研究呢個方法
但第一次的特價沒有包括我想搭的零晨航班，有點失望，
點知冇耐又有第二次特價，啱航班了，但網路癱瘓完全買不到，好失望
點知後來唔忿氣再 refresh 吓，用手機版網站竟買到了香港去大阪的機票，實在太幸運了!!
之後再用特價買埋另外三程機，我們的不可思議之旅就成行了!!
不過其實之後睇返，某啲航程買得唔算最平，而且香港來回關西，每件行李要加 $260行李費，好貴啊！
最後，每人的機票連晒稅大概三千五啦
好處是我搭零晨機去大阪再轉星期六最早的內陸機去北海道, 9am 就可以到北海道了, 真正玩足全日,
但瞓唔到又要揸車就有D 辛苦囉, 但係上年搭國泰去, 落機已四點, 冇咗成日, 如果唔係D 機 delay 的話, 咁樣玩真係平靚正!
預訂需知:
我們是搭零晨機去關西，為咗瞓得舒服啲，加錢揀了第 13行的逃生門座位，真係好闊!!
唔好揀 12 行， 雖然都係逃生門座位, 但後面就是13 行的逃生門, 所以 12 行座椅唔挨得後，13行先得,
不過見到每行咁窄，其實你又唔會挨後咁衰
去北海道的內陸機, 坐普通位, 真係窄好多
Happy Peach vs. Happy peach plus?
話說 peach 有兩樣票價, 'Happy peach' 票是最平, 但不包寄倉行李,
"Happy peach plus" 雖然貴了, 但包了一件 20kg 行李, 又可預先揀位, 咁唔洗驚兩個人冇得一齊坐而要特別早去 check in,
好處還有可免費改航班時間, 萬一上一班機 delay 了, 都可以改遲下一班機, 所以兩程內陸機我都買了 Happy peach plus
其實計埋我都一定要寄倉的行李費, 根本 Happy peach plus 唔係貴好多囉, book 完先明白遊戲玩法, 可買個安心早知就 4 程都 book 晒 Happy peach plus
行李:
樂桃限制了每人除了手袋之外，只可以帶一件 10kg 內，體積合付限制(長寬高總和不超過115cm) 內的手提行李
寄倉又好嚴格，一件 20kg, 多少少都唔得, 回程時買了很多東西，好彩帶了兩個空的旅行袋，把手信都 hand carry 了
乘搭體驗:
上到零晨機，想瞓啦，出發前搵唔到個眼罩已心知不妙，
點知上到機，空姐好落力賣嘢好嘈，又唔熄燈，我一有光就瞓唔到，零晨三點，我真係有過衝動想俾 900yen買佢嗰 set 眼罩連吹氣枕頭。。。
張椅太硬太直坐得唔舒服，尤其是個頭個位好前, 個頭完全唔可以自然地後挨, 又瞓唔到，最後，瞓咗一個鐘，慘。。。。
呢班機原定 5:30到關西，我要 6:30 前拎晒行李再 check in 內陸機，點知班機 delay 咗成 45分鐘!!! 在機上我十級擔心轉唔到下班機，擔心到瞓唔到。。。。
點知機師一定開得好快，雖然遲了45分鐘起飛，但降落時間竟然同預定的一樣，真係不可思議
很細的 T2, 落機自己行入 Terminal
到了關西空港，好安全了，因為所有 peach 的機都在 Terminal 2, 行幾步已是 domestic 的 check in counter
用了 peach 的自助 check in 機，do 個 barcode 就會印張好似超級市場收據的登機證俾你，再去 bag drop, 攪掂仲有時間行吓幾間商店
T2 真係好細, 一眼見晒, 得幾間舖頭, 見到呢個 peach roll, 好攪笑!
夠鐘過 security check, 因為係入內陸機唔洗過海關，好快攪掂，
原來日本搭內陸機係可以帶水㗎，只要 security check 時拎出嚟就得
去到waiting hall 好細，冇位坐
開始上機，會先叫 A 同 F 座位的人上機，因為是窗口位，先入唔會阻人
成班機似乎除咗我哋都冇香港人，日本人大多 hand carry 行李，因為平好多啊, 一落機就走晒
行李帶得唔夠廿件寄倉行李，真係第一次見，出得好快啊！
能順利到達北海道，實在鬆一口氣
**********************************************************************
不過回程時就很不愉快
我星期六搭 12:55pm 機去大阪，諗住有半日 shopping, 再星期日搭 8:55am 機返香港
等上機時， 等咗好耐，
等到 2pm, 空姐話班機要 maintenance 所以成班機要取消，再 delay 到 5:25pm，
唔係呀？我去到大阪乜都收晒工，真係好唔開心
如果我要接住搭飛機返香港, 咁真係會連下班機都 miss 埋!
我問空姐有冇其他辦法，而家係你班機 cancel, 問佢可唔可以退錢，等我自己買過另一張機票，
佢話唔得，只會退返 peach point 俾我
我話我根本唔會再搭 peach , 俾 peach point 我一啲用都冇
佢話只可以幫我改去下一班 4:20pm 嗰班機，咁我哋都好無奈地接受。。。
點知呢班機都 delay 到 4:45pm 先起飛，去到大阪已 6:30pm 冇乜時間行。。。(所有舖頭都是收 8pm, 仲要由機場出去)
完全破壞了我的半天大阪遊了 >.<
所以如果要搭 peach 轉機，真係唔好咁搏預到兩班機接住咁 book, 因為第一班 delay 了已搭唔到第二班，peach 唔會負責， 部分保險亦都應該唔會保
最準時的，竟然是大阪飛香港的航班，可能因為超早，所以都冇咩意外會發生啦
廉航係平，但要轉機真係要擔驚受怕，都係搭返國泰穩陣好多
不過講就咁講 ，可能轉個頭又搭過，因為 weekend trip 的話, 真係平囉～
.jpg)
沒有留言:
發佈留言