世界變了的四月

四月份, 我們人手大執位, 希望大家都在不同崗位, 做得開開心心啦~

今日又見了很多小朋友新 Case, 個個都好可愛~
問佢問題, 傻豬豬出人意表的答案, 往往令人笑得合不攏咀~

有個喺 waiting area 喊晒話好驚唔肯入嚟的小朋友,
知道入到嚟有停車場玩, 即刻笑返晒, 仲無啦啦話:
「其實呢, 我講嘢都幾叻o架!」

有個小朋友話我聽佢聽日去馬灣公園旅行, 仲介紹行程俾我聽,
我問:「你知唔知喺馬灣個沙灘會見到乜嘢呢?」(Model ans: 青馬大橋)
「魚」
「呀....... 其實係故事書D 沙灘先會見到魚嘅o者......香港嗰D一般都見唔到嘅」

放工前又俾老細捉住, 去睇咗個 surgical case,
大半個月前見過呢個喉癌 case, 睇落去佢行得走得, 聲都冇沙, 正常人正常生活,
但偏偏命運很弄人, 忽然間知道了佢有 cancer, 仲要個位疊住幾個部份.....
嗰次見佢, 係佢人生中最後幾日可以用自己的聲音講說話,
之後, 手術切除了整個咽、喉、食道, 下半生, 再也不能有自己的聲音說話了......
嗰次見到佢, 真係覺得點解會係佢?
如果我話你聽, 你只可以講多三日說話, 之後就即刻變了一個冇咽喉嘅人, 你會點呢?
我覺得俾著係我, 都好難接受到.....
不過今日見呢位先生真係好叻, 好勇敢去面對~ 希望佢快點適應新的生活啦~

送一張麥兜相俾大家, 睇咗希望 4 月過得開心D