[愛住家菜] 日式咖哩南瓜牛肉 (附食譜)

萬聖節前, 整個南瓜菜色應吓節先!! 哈哈哈!
其實都好似未試過買一個南瓜返嚟整, 今次一半煮餸, 一半整麵包, 聽日有南瓜包食!

南瓜切粒其實要先蒸/烚 15 分鐘至林身, 上碟
牛肉醃後, 大火快炒, 放在碟中間
大豆芽就同日本咖哩一齊煮, 最後將咖哩汁淋到牛肉上即成!

點解唔將牛肉同咖哩汁同煮? 牛肉好易老啊~
今次咁整都好好味!

波比先生早排在 759 阿信屋低價買了好多盒日本的咖哩汁, 盒面寫住「職人咖哩」,
其實意料之外的好吃, 幾蚊雞有汁仲有幾粒蘿蔔同薯仔,
返工忙到冇時間煮飯的人, 用袋汁加少少肉煮一煮就好好食了! 真係偉大發明~