第一炮就是 New Balance 荃灣 10k
波比是第三年參賽, 我是第二年, 想起上年不在狀態, 跑得很慢, 今年要收復失地!
我們 7:18am 就到了荃灣西站, 寄好行李, 熱身同 jog 了一陣, 就早早上線準備,
因為經驗所得, 排太後會有排塞人!
不過估唔到, 大會安排有進步, 因為今年成 3000 人參賽, 大會避免一起跑塞人塞得太嚴重,
竟然劃分了時區,
我跟著波比行, 入了 55 分鐘內完成的時區~
今次長跑班的教練同同學都有參加, 不過起跑時見唔到佢哋啊~
8am 衝呀~~~ 今日的狀態唔錯, 雙腳沒有沉重感, 我知應該唔會太慢~
隨著人潮去, 心想著教練常提醒我們放鬆小腿, 也想著要保持呼吸節奏
跑到大概 3km 到, 見到教練回程了, 之後就見到波比先生, 好開心幫佢影到兩張相
最攪笑係今次見到一個跑頭幾位的跑手, 個樣好似波比, 連有份參賽的波比大學同學都見到話似!!!
如果我唔係知道佢著黃色衫, 真係可能認錯!
嗰個勁人係乜水呢? 有待查探~
跑了六七公里, 其實都保持到速度, 但我就是覺得右腳有點怪怪, 好似是抽筋前的感覺,
近來右腳在揸車同瞓覺時, 都試過相繼地抽筋........
所以 keep 住速度就好, 沒有加速了~
跑步都是為健康, 而家學懂了不要去得太盡, 一旦傷了就是前功盡廢
又要再讚一讚 2XU Compression Tight, 穿了多次, 真係覺得有用, 跑起來雙腿都覺得輕了~
最後, 波比先生 42分鐘完成, 我就 54分鐘完成了!!!
好嘢好嘢, 係個人新紀錄啊!!! 估唔到可以 keep 到咁快啊! 真係非常開心!
其實跑到中段都覺得好熱, 太辛苦就跑慢D 啦, 唔好夾硬谷, 一陣暈咗就史!!!
返到來, 同上年的比賽截然不同, 通常都得返半條人命, 雙腳攰到行唔郁的感覺完全沒有,
氣都冇乜喘, 這就是練習的成果, 同埋輕鬆心情輕鬆身體去參賽的緣故吧~ :)
飲完水見到 DJ 森美 (佢係比賽代言人之一) 都返來了, 58分鐘, 都好勁喎!!!
等埋波比的大學同學, 三個人去食早餐, 之後再返去睇頒獎,
教練攞咗組別第二名啊, 勁!!! 見到跑步班同學, 大家的成績都非常好, 很有互相激勵的作用!
下個比賽會是 3/11 的 Gigasports 科學園 10k, 呢兩星期唔可以偷懶了 :P
.jpg)
沒有留言:
發佈留言