[愛行山] 加速完成麥徑五六段

今日又行山了, 應該係大家毅行之前最後一次同大家訓練,
因為下兩個星期日都有長跑賽, 星期六要留力唔可以行了~

今日又係由沙田圍起行, 團友行去大帽山, 我就行去城門就收工了,
嘻嘻, 我同師妹們都一身戰鬥格, 唔打得都睇得!!!



今日涼涼爽爽, 十分舒服!!! 真係秋高氣爽, 好啱去郊遊~



今日仍然大霧, 行咗咁多次都睇唔到藍天白雲, 不過呢兩個月冇再落雨都算係好好了,
希望毅行當日都係好天氣啦~



入到第六段



今日見到比上次更更更多馬騮, 其實真係愈來愈恐怖.......
馬騮因為冇食物, 愈來愈有惡意, 你一開個袋, 已經好多隻想走埋嚟搶你啲嘢.......
政府係咪應該幫佢哋絕育呢? I don't know.......





今日超強勁!!! 明明 7月20日行, 1:30pm 到城門已經覺得好快,
點知今日竟然 12:30pm 就到?!?! (雖然是早了半小時出發) 簡直唔敢相信自己隻錶......
大家都很有進步~



之後去了金坊泰國菜食飯



食物是好, 但食到一肚氣, 明明係佢落漏單仲唔認, 仲要態度非常惡劣.....
永久 blacklist!!!