廿八度的新年

恭喜發財!
這個新年熱辣辣, 駕車外出熱到要開冷氣, 28度真係著短袖衫都得~

這兩天都是自駕行, 遊遍屯門、上水、深井、青衣, 多得有架呠呠車, 很快就到達每一個目的地~
往年都是搭公共交通, 連等車行路去一個地方要成個鐘.... 拜完年真係好攰,
今年輕輕鬆鬆, 每日都仲有時間返屋企瞓個晏覺先再出動, 真係好爽~
我同波比講: 你唔會捨得冇咗架車 XD
所以睇嚟我哋都係好難換到樓! 家吓一個車位, 動輒一百幾十萬, 不是平民買到的.......

年初二, 早上跑了轉南生圍,
敗家老公又買了新裝備俾老婆, 就是 Garmin Forerunner 220 GPS 手錶,
唉...... 有人又俾老婆鬧嘥錢.......
因為其實我已經有 GPS 錶, 不過是近來有時壞壞地, 但大部分時間都 ok, 冇需要換的~
波比先生自己嗰隻都未換就幫我換了, 激死老婆!!

其實呢幾日都仲病緊, 今日仲病得嚴重返, 喉嚨痛鼻水聲沙咳乜都齊晒.......
跑起來完全發唔到力..... 跑了 2km 就氣喘得想嘔 @o@

試吓隻錶, 係幾好用嘅, 但都係覺得嘥錢 >.<



多謝阿姨的開年飯, 很好味道!!!
一大班親戚寫了一大堆揮春, 內容超攪笑, 哈哈哈~