見到此行最後一個日落
多謝頭三晚住的 Sapporo Excel Hotel Tokyu 讓我們可放低一件大行李,
我們先去取了行李, 再轉去最後這晚住的札幌 JR 站附近的 R&B 酒店~
其實最後這晚都想 book 返 Sapporo Excel Hotel Tokyu, 但係雪祭期間, 房租實在太貴了!
身為 budget traveler, 老婆格價格咗好耐, 就 book 了這間 R&B Hotel,
好似都係 9000Yen 的價位, 企理的商務酒店還包了簡單的早餐, 算是唔錯!
不過去到發現有幾級樓梯要上, 拎住大行李都咪話唔辛苦!
Settle 行李之後, 就搭 JR 到小樽去看最後一個雪祭了!
小樽的雪祭名為雪燈之路, 網頁中介紹了幾個會場, 我們的行程是運河會場> 堺町通> 手宮線會場
五年前跟團來北海道, 遊過運河一帶,
今次自己來, 經過了上次沒到過的街道, 看到很美的建築
行十分鐘就去到運河了! 沿路其實超超超多人, 仲有好多香港人~
一見這美景, 嘩嘩嘩, 好靚, 好浪漫啊!!!!
每個雪祭都有其特色, 小樽的我會說是最甜蜜最浪漫~ 戀人們一定要來!!
有幾 sweet? 嘻嘻~
很多謝替我們拍合照的日本人同香港人!
話明係雪燈之路, 當然有好多用雪造的雪燈, 造型優雅可愛特別~
攪笑的獅子頭!
哈哈, 要排隊排好耐先影到呢個大心心~
從河的末端看回去~
走到這邊, 是那著名的商店大街, 應有好多食店, 點知都收晒工.........
走進商店街, 見到好多好可愛的雪人仔
仲有超可愛的巨大雪人!!! 開心史~~
慢慢行到手宮線的會場, 點知已經...... 收工.............
日本人真係好準時! 話收工就即收嘢熄燈........
浪漫完畢, 也要面對一個現實的問題, 就係醫肚!
已經是九點鐘還未食飯, 但街上差不多所有食店都關門了.......
心中又好想吃咖哩, 就在 goggle map 的 search 欄內打了 'カレー' (咖哩),
goggle map 就顯靈帶領我們去了一間還未關門的咖哩店 ネパール茶屋 , 點知行到去先發現佢係賣印度咖哩.... 都唔知好嬲定好笑......
但天氣凍又好鬼肚餓, 再搵都不見得我們會搵到其他食店, 唯有唔理咁多入去先算!!
入到去坐 bar 枱, 老闆是印度人, 但就說得一口非常流利的日語,
店內只有另一對 couple, 老闆一邊整嘢食, 一邊同佢哋不停飲酒, 都幾有趣
食物來了, 估唔到我哋喺北海道的最後晚餐會係食印度咖哩!! XD
但其實食物好好味喎, 就是有日本人那種很認真製作, 即叫即造的美味,
咖哩雞腿辣得來有很複雜的香料味道, 我同波比說: 點解我哋喺香港的印度咖哩店都未食過咁好食嘅咖哩o架???
燒魷魚等咗好耐, 點解?
嘩, 佢係有個好大的炭火燒爐, 魷魚同埋Nan 燒餅都是放入去用炭火烤成的,
點同香港嗰D 用煤氣爐幫你燒熟佢!
兩樣食物都真係好好味呀~ 估唔到呢餐是意外的好吃同難忘~ :P
最後一晚, 美滿地結束了, 乘 40分鐘 JR 就回到札幌, 好好睡一覺
.jpg)
沒有留言:
發佈留言