曼谷 Day 1

16-20/11/09
兩公婆第二次去曼谷, 用返 07 件版的旅遊書, 發現好多嘢唔同晒 , 尤其是好多嘢貴晒.....
拎咗 1 部 DSLR 2 部 DC, 重死.....
但又食又玩又買真係好開心!

講返個 trip:
CX 機好正, 有 online check in 一早自己揀定位, 又可以起飛前一個鐘先 check in, GOOD!!!

飛機餐真係咁多飛機之中最好食, 下次再飛我諗我都一定要搭 CX~

Book 酒店: 搵了 CNR Travel book, YoYo 好快覆 e-mail, 一日內就 book 好 4 日Grand Centre Point Hotel, 絕對信得過!

天氣: 泰國的氣象局話 22-33 度, 諗住凍凍地啦, 點知日日都成30 度, 不停流汗

12pm 多就到達 GCP check in, 好好彩佢俾我哋 early check in, 留意要俾 4000 baht deposit (可用 credit card)


入到房, 同之前睇大家的相片差不多, 好大!



較 impressive: 有家庭 size 的電熱水壺, 又有多士爐, 餐具齊全

有企缸又有浴缸, 但浴缸冇浴簾?? 應該只係俾人浸浴用!

離開酒店, 第一餐去了 Siam Paragon 的 Food court

(第一張相為 CX 的早餐)

本來抱幾高期望的 Siam Paragon 的 Food court, 令人有點點失望,
叫了冬蔭公蝦麵同埋豬手飯, 兩樣都冇 Central World 的 Food Court 咁好味.....

反而 supermarket 門口的食物攤檔正D, 做緊日式食品節, 有魚形豆沙餅, 好味!

行行 Siam Paragon, 未買到嘢, 但見到好靚的聖誕佈置, 影影相已叫人非常開心~

跟住去到 Siam Center, 想搵嗰間 Cheeze Studio 影相, 但搵唔到啊.... 執咗呀?

好快又食第二餐, 係去 Greyhound Cafe
叫咗 Frosty Lemon Tea 同 Frosty Cappucino, 好冰呀, 不過偏甜
仲有粟米蟹餅, 好脆但唔太濃蟹味~

再掃返過 Central World 去 Naraya 買嘢, 真係勁多香港人....
多謝營友介紹用 10% off coupon, 抵咗!

返酒店擺低戰利品, 就出發食水門雞飯,
上次嚟佢未開門, 食了隔離的舖頭, 今次食到了,
勁多人, 三十幾度冇冷氣, 勁熱...... 又冇餐牌, 除咗雞飯唔識叫其他食物啊,
兩個雞飯 + 一支汽水 = 70 baht, 勁抵!
味道唔錯的, 但好似上一次食隔離的舖頭仲好食, 同埋人哋有埋串燒同多士食!

食完水門雞飯, 行去了The Baiyoke Sky Hotel 睇夜景
因為旅遊書唔 update, 以為只是 100 baht 入場費, 點知係 250 baht 先啱, 嘩, 貴咗咁多o既?
但都好多好多人啊, 外國人為主

先搭 lift 去到 83/F, 嗰度係室內有梳化俾你坐低慢慢欣賞夜景, 但玻璃窗有點反光

上到 84/F, 嘩, 好正呀!!!一踏出去, 成層會自轉的,
挨喺度就會帶你睇晒曼谷 360 度夜景, 好好好靚!!!
同東京的展望廳有得揮! 極力推介大家去呀!

睇完夜景, 去了 Big C 買生果, 山竹、天桃 very good, 但太夜原來會冇榴槤賣的, 明天請早!